ურჩხული და მზეთუნახავი, მეფე ლომი, შრეკი, ეს ის ანიმაციებია, რომლებიც ალბათ ათასჯერ მაინც გვაქვს ნანახი და ზეპირად ვიცით. საუბრისას ამ პერსონაჟების ციტატებს ვიყენებთ და ყველა მნიშვნელოვანი მომენტიც გვახსოვს, თუმცა ჯერ კიდევ არ ვიცით ბევრი საინტერესო ამბავი, რომელიც ამ ანიმაციების გმირების უკან დგას.

ამ სტატიაში რამდენიმე თქვენთვის მოულოდნელი ფაქტის შესახებ მოგითხრობთ.

1.შრეკი თავდაპირველად წითური იყო, კბილები არ ჰქონდა და ნაგავსაყრელზე ცხოვრობდა.

ანიმაციის ადრეულ ვერსიებში, შრეკი ძალიან განსხვავდებოდა იმ შრეკისგან, რომელსაც ჩვენ ვიცნობთ. იგი წითური იყო, კბილები არ ჰქონდა, სანდლებს ატარებდა და ბევრად საშიშად გამოიყურებოდა. ასევე, ის ჭაობის ბინადარი არ ყოფილა და სოფელთან ახლოს, ნაგავსაყრელზე ცხოვრობდა.

თუმცა საბოლოოდ ამ იდეებმა არ იმუშავა და ანიმაციის შემქმნელება სხვა ვერსია შეიმუშავეს, იგი ჭაობის მახლობლად დაასახლეს და იმ ფორმით შექმნეს, როგორსაც ჩვენ ვიცნობთ.

2. პრინცი ურჩხულად ფერიამ სიყვარულის გამო აქცია

ურჩხულისა და მზეთუნახავის ძველი ვერსია განსხვავდებოდა დისნეის ანიმაციისგან. უფლისწულმა ბავშვობაში მამა დაკარგა, რის გამოც სამეფოს დედა მართავდა და პრინცი ბოროტ ფერიას მიაბარა. საბოლოოდ, ფერიამ პრინცი ურჩხულად აქცია, რადგან პრინცმა ფერია არ შეიყვარა.

3. რაპუნცელის თმა ნახატის მიხედვით შეიქმნა

ანიმატორების ერთ-ერთი მთავარი მიზანი ისეთი ეფექტის შექმნა იყო, რომელიც ზეთის საღებავებით შესრულებულ ნახატს მოგაგონებდა. რაპუნცელის თმის შესაქმნელად ანიმატორებმა ჟან-ონორე ფრაგონარის ნახატები გამოიყენეს.

4. ელზას პროტოტიპი ემი ვაინჰაუზი იყო

Frozen-ის ორი მთავარი პერსონაჟიდან ერთ-ერთი თავდაპირველად ემი ვაინჰაუზით იყო შთაგონებული, ბრიტანელი მომღერლით, რომელმაც ცხოვრება ტრაგიკულად დაასრულა. ანიმაციის პირვანდელ ვერსიებში ელზას მუქი თმა და დიდი თვალები ჰქონდა.

მხატვარმა კლერ კინმა, რომელიც ამ პერსონაჟზე მუშაობდა აღნიშნა, რომ მას ზუსტად ისეთი წარმოედგინა პერსონაჟის ხასიათი, როგორიც ვაინჰაუზს ჰქონდა. საბოლოო ვერსიაში ელზა საკმაოდ შეიცვალა, მაგრამ სევდა ელზას მზერასა და მის დიდ თვალებში უცვლელი დარჩა.

5. სპაგეტის ცნობილი მომენტი და ლედის და მაწანწალას კოცნა შეიძლებოდა არ მომხდარიყო

ეს ეპიზოდი დღეს ერთ-ერთი ყველაზე ცნობილი ეპიზოდია კინოინდუსტრიაში. მაგრამ უოლტ დისნეის არ სურდა ეს სცენა ამ ფორმით ყოფილიყო ანიმაციაში. იგი თვლიდა, რომ ძაღლების ასეთი ქცევა დაუჯერებელი იყო, ცხოველები, რომლებიც საკვებს იზიარებენ, რატომღაც ესთეტიკურად არ გამოიყურებიან. მაგრამ საბოლოოდ, ფრანკლინ თომასმა სცენის პროექტი შეიმუშავა და დისნეი ამ ეპიზოდის გადაღებაში დაარწმუნა.