ულტრამემარჯვენე პარტია ალტერნატივა გერმანიისთვის (AfD) გერმანიის კანცლერის, ოლაფ შოლცის გადადგომას და ახალი არჩევნების ჩატარებას ითხოვს.

პარტია ალტერნატივა გერმანიისთვის თანათავმჯდომარე ალისა ვაიდელმა აცხადებს, რომ გერმანიის კანცლერმა უნდა გააცნობიეროს სამხარეო არჩევნების შედეგები და გადადგეს, რადგან ამომრჩევლებს სურთ, რომ გერმანიაში სხვა მთავრობა ჰყავდეს.

შეგახსენებთ, რომ გერმანიის ორ მხარეში, საქსონიასა და თიურინგიაში გამართულ რეგიონულ არჩევნებში ულტრამემარჯვენე და კონსერვატიული პარტიები იმარჯვებენ.

DW წერს, რომ დამკვირვებლებისთვის ყველაზე საინტერესო შედეგი თიურინგიაში დაფიქსირდა, სადაც პარტია ალტერნატივა გერმანიისთვის (AfD) პირველი ულტრამემარჯვენე პარტია გახდა, რომელიც მეორე მსოფლიო ომის შემდეგ, არჩევნებში იგებს და თითქმის 10%-ით მეტ ხმებს აგროვებს, ვიდრე ქრისტიან-დემოკრატები (CDU).

თიურინგიაში არჩევნების შედეგები, რომელშიც ულტრამემარჯვენე პარტია ლიდერობს, "მწარე და შემაშფოთებელია" უწოდა ოლაფ შოლცმა.

DW-ს ინფორმაციით, თიურინგიაში პარტია ალტერნატივა გერმანიისთვის ხმების 32,8% აქვს და თითქმის 9%-ით უსწრებს კონსერვატიულ ქრისტიან-დემოკრატიულ კავშირს (CDU), რომელსაც 23,6%-ს აქვს. მესამე ადგილზე სარა ვაგენკნეხტის კავშირი (BSW) გავიდა ხმების 15,8%-ით.

საქსონიაში ერთ პროცენტზე ცოტა მეტით უსწრებს CDU AfD-ს. იქ AfD-მა ხმების 31.9% მოაგროვა, AfD -მ — 30.6%. მესამეზე, BSW-ს 11.8% აქვს.