Special Occasion Studio-მ და ადამიანის უფლებათა კამპანიამ (HRC) ხუთშაბათს გამოაცხადეს პარტნიორობა ახალ დოკუმენტურ ფილმთან დაკავშირებით — Lover of Men: The Untold History of Abraham Lincoln.

ფილმის პრემიერა 6 სექტემბერს შედგება, ფილმში რეჟისორი შონ პეტერსონი ლინკოლნის ცხოვრების განმავლობაში კაცებთან მის ინტიმურ და რომანტიკულ ურთიერთობებს განიხილავს.

"ეს არის მნიშვნელოვანი საუბარი, ჩვენი ქვეყნის ისტორიულად მნიშვნელოვან მომენტში, მაშინ, როდესაც არჩევნები გვიახლოვდება.ფილმში მთავარი ხაზი თავისუფლებისკენ სწრაფვაა, თავისუფლების გამოხატულებაა მათ შორის ისიც, რომ გვიყვარდეს ის, ვინც გვიყვარს, ვიყოთ ის, ვინც ვართ და ვიცხოვროთ ღიად და სიამაყის განცდით" — განაცხადა HRC-ის ვიცე-პრეზიდენტმა დეინ გრამმა.

დოკუმენტურ ფილმში მონაწილებას იღებენ ლინკოლნის მკველვრები, ასევე წარმოდგენილი იქნება მისი აქამდე უცნობი ფოტოები და წერილები. ფილმი ადამიანის სექსუალური ურთიერთობების შესახებ ხედვის ფართო სპექტრს გვთავაზობს და ყურადღებას ამახვილებს იმ მნიშვნელოვან განსხვავებებზე, რაც მე-19 საუკუნესა და დღევანდელობას შორის არსებობს.

ამასთან, ფილმი ამერიკის ისტორიის მნიშვნელოვან პერიოდს უკავშირდება და ცდილობს სრული სურათი წარმოაჩინოს, უბიძგოს მაყურებელს ფიქრისკენ, თუ რატომ გვაქვს ასეთი შეზღუდული შეხედულება ადამიანის სექსუალობაზე. Lover of Men არა მხოლოდ გენდერული როლებისა და სექსუალური იდენტობის კვლევაა, არამედ ამერიკული შეუწყნარებლობის საკითხსაც ეხმაურება.

"თანასწორობა ამერიკული ოცნების ხერხემალია, სწორედ თანასწორობაში მდგომარეობდა ლინკონის ხედვაც. HRC-ის უშიშარი ბრძოლა თანასწორობისთვის ნამდვილად შთამაგონებელია და ჩვენთვის პატივია, ვითანამშრომლოთ მათთან ერთად" — აღნიშნა ფილმის პროდიუსერმა რობერტ როზენჰეკმა.

Human Rights Campaign ამერიკაში სამოქალაქო უფლებების ყველაზე დიდი ორგანიზაციაა, რომელიც მუშაობს ლესბოსელების, გეების, ბისექსუალების, ტრანსგენდერებისა და ქვიარ ადამიანების თანასწორობის მისაღწევად. HRC-ის მთავარი მიზანი ისეთი სამყაროს შექმნაა, სადაც ლგბტქ ადამიანები იქნებიან საზოგადოების სრულფასოვანი წევრები ნებისმიერ დაწესებულებაში, სახლსა თუ სამსახურში.