Cartoon Network-ის ვებსაიტი, რომელიც 1998 წლიდან მოქმედებდა, ინტერნეტსივრციდან გაქრა. თუ იმ საიტზე შესვლას შეეცდებით, სადაც აქამდე Cartoon Network-ის უამრავი შოუ იყო ატვირთული, ავტომატურად სტრიმინგ პლატფორმა Max-ზე გადამისამართდებით, რომელსაც კომპანია Warner Bros. ფლობს.

"ამჟამად Cartoon Network-ის შოუებსა და სოციალურ მედიებზე ვართ კონცენტრირებულები, რადგან ჩვენი მომხმარებლები ყველაზე მეტად ამ პლატფორმებს იყენებენ და ჩვენი კომპანიის ზრდისთვის ეს მნიშვნელოვანია" — განუცხადა CN-ის წარმომადგენელმა CNET-ს — "მიუხედავად იმისა, რომ ზოგი ციფრული პლატფორმა დავხურეთ, ფანებს შეუძლიათ Cartoon Network-ის აპლიკაციის გამოყენება და ჩვენი შოუების სხვადასხვა სტრიმინგ საიტზე ყურება, როგორებიცაა Roku, Apple TV, Amazon და ა.შ."