ანტიკორუფციული ბიუროს უფროსის, რაჟდენ კუპრაშვილის განცხადებით, მოძრაობა თავისუფლების მოედნის 24 წევრს, დამფუძნებელ ლევან ცუცქირიძესა და ორგანიზაცია აღმოსავლეთ ევროპის ცენტრს მრავალპარტიული დემოკრატიისთვის "ფინანსური გამჭვირვალობის უზრუნველყოფა" დაევალათ.

კუპრაშვილის თქმით, „აღნიშნულ სუბიექტებს საჯაროდ აქვთ გაცხადებული პოლიტიკური მიზანი, თუმცა, მიუხედავად ამისა, არ ასრულებენ კანონის მოთხოვნებს, არ არეგისტრირებენ პოლიტიკურ პარტიას და პოლიტიკურ საქმიანობას ახორციელებენ არასამთავრობო ორგანიზაციის მეშვეობით. შესაბამისად, არ არის უზრუნველყოფილი მათი ფინანსური მდგომარეობის გამჭვირვალობა“.

"2024 წლის 11 აპრილს არასამთავრობო ორგანიზაცია აღმოსავლეთ ევროპის ცენტრმა მრავალპარტიული დემოკრატიისთვის და ლევან ცუცქირიძემ დააფუძნა ორგანიზაცია - თავისუფლების მოედანი საქართველო, რომლის სადამფუძნებლო დოკუმენტებში იკვეთება პოლიტიკურ პროცესებთან დაკავშირებული მიზანი. მონიტორინგის ფარგლებში დადგინდა, რომ 2024 წლის 1 ივლისს ლევან ცუცქირიძის და თავისუფლების მოედანი საქართველოს ორგანიზებით ჩატარდა ღონისძიება, სადაც ამავე ორგანიზაციის დამფუძნებლებმა და წევრებმა განაცხადებს საარჩევნო მიზანი.

ღონისძიებაში მონაწილეობდნენ როგორც არასამთავრობო ორგანიზაცია აღმოსავლეთ ევროპის ცენტრმა მრავალპარტიული დემოკრატიისთვის თანამშრომლები, ისე მოძრაობა თავისუფლების მოედნის წევრები. მტკიცებულებათა ერთობლიობით დგინდება, რომ აღნიშნულ სუბიექტებს საჯაროდ აქვთ გაცხადებული პოლიტიკური მიზანი, თუმცა, მიუხედავად ამისა, არ ასრულებენ კანონის მოთხოვნებს, არ არეგისტრირებენ პოლიტიკურ პარტიას და პოლიტიკურ საქმიანობას ახორციელებენ არასამთავრობო ორგანიზაციის მეშვეობით. შესაბამისად, არ არის უზრუნველყოფილი მათი ფინანსური მდგომარეობის გამჭვირვალობა.

მოქალაქეთა პოლიტიკური გაერთიანების შესახებ საქართველოს ორგანული კანონის 26-ე პრიმა მუხლის შესაბამისად, ანტიკორუფციული ბიუროს მიერ მიღებული იქნა გადაწყვეტილება - მოძრაობა თავისუფლების მოედანს, ორგანიზაცია აღმოსავლეთ ევროპის ცენტრს მრავალპარტიული დემოკრატიისთვის, ამ ორგანიზაციის თავმჯდომარე ლევან ცუცქირიძეს და მოძრაობის 24 წევრს დაევალათ ფინანსური გამჭვირვალობის უზრუნველყოფა, ეს ნიშნავს იმას, რომ დღეიდან ისინი ვალდებულნი არიან ანტიკორუფციულ ბიუროს წარუდგინონ ფინანსური ანგარიშები, რის საჯაროობასაც უზრუნველყოფს ანტიკორუფციული ბიურო", — განაცხადა კუპრაშვილმა.