თუკი შეამჩნევთ, რომ ანიმაციების პერსონაჟებს ოთხი თითი აქვთ, რთულია ამ ფაქტმა თქვენი ყურადღება არ მიიქციოს.

დისნეისა და სხვა ანიმაციური სტუდიების მხატვრებმა ამ ხერხს ჯერ კიდევ 1920-იან წლებში მიმართეს, ამის შემდეგ ოთხთითიანი პერსონაჟები ისეთ ანიმაციებშიც გამოჩდნენ, როგორიცაა ტომი და ჯერი, სიმპსონები, სპანჯბობი - კვადრატული შარვალი და ა.შ.

საინტერესოა როგორ იქცა ანიმაციის პერსონაჟებისთვის ოთხი თითი ერთგვარ სახასიათო ნიშნად?

ეს სტილი თითქმის ისეთივე ძველია, როგორც თავად ანიმაცია. ბევრ ადრეულ ანიმაციის პერსონაჟს, როგორიცა მიკი მაუსი და კატა ფელიქსი, ოთხი თითი ესთეტიკური მიზეზების გამო ჰქონდათ. ანიმატორები სხეულების, თავებისა და ხელების დახატვისას წრეებს იყენებდნენ, ასეთ შემთხვევაში კი ხელისგულები ხუთი თითით მიმზიდველად არ გამოიყურებოდა. უოლტ დისნეი განმარტავს, რომ თუ მიკი მაუსს ხუთი თითი ექნებოდა, ეს მის ხელებს ბანანის თაიგულს დაამსგავსებდა.

ფოტო: CNN

Channel Frederator-ის ინფორმაციით — (მედია ქსელი, რომელიც დააარსა Adventure Time-ისა და The Fairly OddParents-ის აღმასრულებელმა პროდიუსერმა ფრედ სეიბერტმა) — ამ ფაქტის კიდევ ერთი შესაძლო ახსნა ისაა, რომ ადრე ანიმაციების პერსონაჟები ძირითადად ცხოველები იყვნენ. მაგალითად კატებს, კურდღლებსა და ძაღლებს ფეხებზე ხუთი თითი აქვთ, აქედან ერთი კი უბრალოდ არ ჩანს. ეს შეიძლება იყოს მიზეზი რის გამოც ანიმატორებმა ოთხ თითზე შეაჩერეს არჩევანი, როდესაც ცხოველების გაადამიანურებულ ვერსიებს ხატავდნენ.

გარდა ამისა, მაშინ ანიმატორები შესაძლოა ოთხ თითს მხოლოდ იმიტომ ხატავდნენ, რომ ეს ნაკლებ მუშაობასაც მოითხოვდა. ტრადიციულად, ხელით დახატული ანიმაციის შექმნა ძალიან შრომატევადი საქმე იყო, მეხუთე თითის დახატვას შესაძლოა ძვირფასი დრო და ფულიც დაეკარგა, ამიტომ სტუდიები მზად იყვნენ ამის გამო ხუთ თითზე უარი ეთქვათ.