დენის მაკინტაირის პიესაზე მოდილიანი დაფუძნებული ჯონი დეპის მეორე სრულმეტრაჟიანი სარეჟისორო ნამუშევარის Modi — Three Days on the Wings of Madness-ის პრემიერა მომავალ თვეში სან-ბასტიანის კინოფესტივალზე შედგება.

ფილმში მოვლენები 1916 წელს პარიზში ვითარდება, პირველი მსოფლიო ომის დროს. იტალიური წარმოშობის მხატვარი და მოქანდაკე ამედეო მოდილიანი თავს წარუმატებლად მიიჩნევს, როგორც ფინანსურად, ასევე იმ თვალსაზრისით, თუ რას ამბობენ მასზე კრიტიკოსები.

Modi არის ამბავი ხელოვნების, სიყვარულისა და უარყოფის შესახებ.

ფილმში მოდილიანის როლს რიკარდო სკამარჩიო ასრულებს. ფილმში ასევე მონაწილეობენ სტივენ გრეჰემი, ალ პაჩინო და ანტონია დესპლატი.

ფოტო: variety

1997 წლის შემდეგ, ჯონი დეპი სწორედ ამ ფილმით უბრუნდება სარეჟისორო საქმიანობას, მისი პირველი ფილმი კი The Brave იყო. Modi მსახიობის პირველი პროექტია 2022 წელს სასამართლოში ყოფილ მეუღლესთან, ემბერ ჰერდთან დავის შემდეგ. ჯონი დეპმა ემბერ ჰერდს ცილისწამებისთვის უჩვილა მას შემდეგ, რაც ყოფილა მეუღლემ ჯონი დეპი ოჯახურ ძალადობაში დაადანაშაულა. მიუხედავად იმისა, რომ ჯონი დეპმა საბოლოოდ სასამართლოში ეს საქმე მოიგო, ამ დაპირისპირებამ მის კარიერაზე დიდი გავლენა მოახდინა.

აღსანიშნავია, რომ ჯონი დეპი 2023 წელს, კანის ფესტივალზე Jeanne du Barry-ის პრემიერით დაბრუნდა, ხოლო Modi-ს პრემიერას წლევანდელ ვენეციის კინოფესტივალზე ელოდნენ, თუმცა ჯონი დეპმა მასში მონაწილეობა არ მიიღო.

"მსურს ჩემი მადლიერება გამოვხატო მსახიობების, შემოქმედებითი ჯგუფისა და პროდიუსერების მიმართ მათი თავდაუზოგავი შრომისა და შემოქმედებითობის გამო.
ალ პაჩინოსთვის, რომელმაც მთხოვა ეს ფილმი გადამეღო, როგორ შემეძლო უარის თქმა? გულწრფელად მადლიერი ვარ მისი, რადგან მთელი თავისი ტალანტი გულუხვად მიუძღვნა ამ პროექტს" - განაცხადა ჯონი დეპმა.