BBC-ის ინფორმაციით, ბრიტანეთის გაერთიანებული სამეფოს თავდაცვის სამინისტრო (MOD) ამბობს, რომ უკრაინას "სრული უფლება" აქვს რუსეთის ტერიტორიაზე მათ მიერ მიწოდებული, ბრიტანული იარაღი გამოყენოს.

ეს იარაღი თავდაცვისთვის გადაეცა უკრაინას, "თუმცა არ გამორიცხავს რუსეთში განხორციელებულ ოპერაციებში" მის გამოყენებას.

გაერთიანებული სამეფოს თავდაცვის სამინისტროს სპიკერი ამბობს, რომ აღჭურვილობა "გამოყენებული უნდა იყოს საერთაშორისო სამართლის ნორმების შესაბამისად".

გადაწყვეტილების შესახებ, მას შემდეგ გახდა ცნობილი, რაც უკრაინის შეიარაღებულმა ძალებმა ღრმად შეაღწიეს რუსეთის ტერიტორიაზე და ათი დღის მანძილზე წამყვან პოზიციებს ინარჩუნებენ.

განვითარებული მოვლენების პარალელურად უკრაინამ, ჰუმანიტარული დერეფნების შექმნაზე განაცხადა, რომელიც მოსახლეობას იმ ტერიტორიის დატოვების საშუალებას მისცემს, რომელზეც მწვავე საბრძოლო მოქმედებები მიმდინარეობს.