22 ივლისს მარველის ახალი ფილმის, Deadpool & Wolverine-ის პრემიერა გაიმართა, სადაც ფილმის ვარსკვლავების გარდა მოწვეული სტუმრებიც კაშკაშებდნენ. განსაკუთრებით გლამურული იყო ბლეიკ ლაივლის და მისი საუკეთესო მეგობრის, მოდელი ჯიჯი ჰადიდის ლუქები, რომლებიც ფილმის პერსონაჟთა კოსტუმების ფერებში იყო გადაწყვეტილი.

ფოტო: Getty Images

ბლეიკ ლაივლის ვერსაჩეს მუქი წითელი ლუქი ეცვა, რომელიც ცალსახად თავისი ქმრის, რაიან რეინოლდსის პერსონაჟის, დედპულის კოსტუმის შთაგონებით შეარჩია. შთამბეჭდავი ჩაცმულობით ლაივლი თავადაც სუპერგმირს ჰგავდა.

ფოტო: Getty Images

ჯიჯი ჰადიდს მიუ მიუს ყვითელი ლუქი ამშვენებდა, რომელიც მაშინვე ვულვერინს, მარველის ერთ-ერთ მნიშვნელოვან პერსონაჟს გვახსენებს.

ფოტო: Getty Images

ფოტო: Getty Images

Deadpool & Wolverine დედპულის ფრენჩაიზის მესამე ფილმია, რომელიც კომიკურ-ბრუტალურ დედპულსა და იქს-მენების გამორჩეულ წევრს, ვულვერინს აერთიანებს. ფილმი მარველის სამყაროს მნიშვნელოვან გადაკვეთას გვთავაზობს და როგორც ჩანს, წლის ერთ-ერთი მნიშვნელოვანი კინემატოგრაფიული ნამუშევარი იქნება.

რაიან რეინოლდსი, ჰიუ ჯეკმენი, ბლეიკ ლაივლი და ჯიჯი ჰადიდი

ფოტო: Getty Images