ვიცე-პრეზიდენტმა კამალა ჰარისმა მოიპოვა საკმარისი დემოკრატი დელეგატების მხარდაჭერა, რათა პარტიის პრეზიდენტობის კანდიდატი გახდეს.

ორშაბათს საღამოს Associated Press-ის მიერ ჩატარებულმა გამოკითხვამ აჩვენა, რომ კამალა ჰარისმა მიიღო სულ მცირე 1976 დელეგატის მხარდაჭერა, რაც კენჭისყრის პირველ ტურში ნომინაციის მოსაპოვებლად იყო საჭირო.

ჰარისმა თქვა, რომ იგი "ამაყია", რადგან მიიღო "ფართო მხარდაჭერა" და მოუთმენლად ელის ნომინაციის ოფიციალურ მიღებას.

ამ თემაზე: დემოკრატების საპრეზიდენტო კანდიდატობისთვის კამალა ჰარისი იბრძოლებს — როგორ აირჩევს პარტია ნომინანტს

"არჩევნებამდე დაგვრჩა 106 დე და ამ დრომდე, ბევრი რამ გვაქვს გასაკეთებელი", — უთხრა მან დელავერში, ქალაქ უილმინგტონში საარჩევნო შტაბის თანამშრომლებს.

მან ისაუბრა ჯო ბაიდენის მიღწევებზეც და თქვა, რომ მისი ვიცე-პრეზიდენტობა "დიდი პატივი იყო".