მებაჟე ოფიცრებმა, საბაჟოზე, არადეკლარირებული სიგარეტის აღმოჩენის გამო, კანონდამრღვევ მოქალაქეებს ქონება ჩამოართვეს და ფულადი ჯარიმა დააკისრეს.

ბოლო 2 კვირის განმავლობაში, არადეკლარირებული სიგარეტის შემოტანა საქართველოში, კანონდარღვევით სცადეს სარფის, ვალეს და სადახლოს გამშვები პუნქტებიდან. ფინანსთა სამინისტროს შემოსავლების სამსახურის ინფორმაციით, ყველა ეს შემთხვევა აღიკვეთა.

ეჭვის საფუძველზე, შეამოწმეს სხვადასხვა ქვეყნის მოქალაქეების კუთვნილი ბარგი და მანქანები, რის შედეგადაც, ჯამში, 10340 ღერი არადეკლარირებული სიგარეტი აღმოაჩინეს.

საქართველოს საბაჟო კოდექსის მიხედვით კანონდამრღვევ მოქალაქეების, სანქციის სახით ჩამოერთვათ საქონელი და თითოეულს ფულადი ჯარიმა — 1000 ლარის ოდენობით შეეფარდათ.

ორ კანონდამრღვევ მოქალაქეს, სანქციის სახით,სრულად ჩამოერთვა საქონელი და ვინაიდან ქმედება განმეორებით იყო ჩადენილი, ჯარიმა — 3000 ლარის ოდენობით შეეფარდა.