შინაგან საქმეთა სამინისტროს ინფორმაციით, თბილისსა და რეგიონებში, უკანონო ცეცხლსასროლი იარაღები და საბრძოლო მასალა ამოიღეს — დაკავებულია 9 პირი.

დანაშაული 3-დან 7 წლამდე პატიმრობას ითვალისწინებს.

დაკავებულთა შორის არიან წარსულში ნასამართლევი ორი პირი, რომელთა ჩხრეკისას სამართალდამცველებმა 2 ცეცხლსასროლი იარაღი, 2 მჭიდი და 7 ვაზნა ნივთმტკიცებად ამოიღეს.

სამართალდამცავებმა, ბრალდებულების ჩხრეკისას, ნივთმტკიცებად ასევე ამოიღეს ცეცხლსასროლი პისტოლეტი და გადაჭრილი სანადირო თოფი.

ასევე, დაკავებულთა შორის არის წარსულში ნასამართლევი და ამჟამად პირობითი მსჯავრის ქვეშ მყოფი პირი, რომლის ჩხრეკისას, შსს-მ ნივთმტკიცებად ამოიღო ცეცხლსასროლი პისტოლეტი და მჭიდი.