ქეით მიდლტონისთვის პრინცესა დაიანა მუდმივი შთაგონების წყარო რომაა, ყველასთვის ცნობილია. პრინცესას სტილის, ტაქტისა და მანერების ანარეკლი ქეითის საჯარო გამოსვლებში მარტივად შესამჩნევია — გამონაკლისი არც უიმბლდონის ჩოგბურთის ტურნირი ყოფილა, სადაც ქეით მიდლტონი მისი და პრინც უილიამის ქალიშვილთან, პრინცესა შარლოტასთან ერთად იმყოფებოდა.

14 ივლისს გამართულ მატჩზე მიდლტონს, რომელიც ამჟამად სიმსივნის მკურნალობის კურსს გადის, გრძელი, იისფერი კაბა ეცვა. ეს კაბა პრინცესა დიანას ჩაცმულობას გვახსენებს 1991 წლის უიმბლდონის ჩემპიონატიდან — მას იისფერი პიჯაკი, კრემისფერი ქამარი და თეთრი კაბა ეცვა.

ფოტო: Getty Images

1991 წელს პრინცესა დაიანასაც თან ახლდა შვილი, პრინცი უილიამი, რომელსაც მუქ ლურჯ ფერებში გადაწყვეტილი ტანისამოსი ეცვა. ქეით მიდლტონმა ეს დეტალიც გაითვალისწინა — უიმბლდონზე 9 წლის პრინცესა შარლოტაც მსგავს ფერთა პალიტრაში ვიხილეთ.

ფოტო: Getty Image

უიმბლდონის ჩემპიონატი ქეით მიდლტონის მეორე საჯარო გამოსვლაა მას შემდეგ, რაც მას სიმსივნის დიაგნოზი დაუსვეს.