აშშ-ს ვიცე-პრეზიდენტი მაიკ პენსი უკვე საქართველოშია. თვითმფრინავი, რომლითაც პენსი საქართველოში ჩამოვიდა, რამდენიმე წუთის წინ დაეშვა თბილისის საერთაშორისო აეროპორტში.

ადევნეთ თვალი თბილისის საერთაშორისო აეროპორტიდან On.ge-ს პირდაპირ ეთერს.

აეროპორტში, ვიცე-პრეზიდენტის დახვედრის ოფიციალური ცერემონიალი გაიმართება, შესრულდება აშშ-სა და საქართველოს ჰიმნები.

მაიკ პენსი საქართველოში მეუღლესთან ერთად ჩამოვიდა. სწორედ მასთან და დელეგაციის წევრებთან ერთად პენსს საქართველოს პრემიერ-მინისტრი, გიორგი კვირიკაშვილი ოფიციალურ ვახშამზე უმასპინძლებს.

პირველ აგვისტოს, 10:15 საათზე, საქართველოს მთავრობის ადმინისტრაციაში გაიმართება პრემიერ-მინისტრისა და აშშ-ის ვიცე-პრეზიდენტის შეხვედრა, რის შემდეგაც, 11:15 საათზე, პრესისთვის ერთობლივი განცხადებები გაკეთდება. 15:15 საათზე, აშშ-ის ვიცე-პრეზიდენტი სწავლება ღირსეული პარტნიორის მონაწილე სამხედროებს შეხვდება. მაიკ პენსის ვიზიტი საქართველოში პირველ აგვისტოს დასრულდება.