გორში დღეს, 31 ივლისს გამთენიისას ახალშობილი იპოვეს. შინაგან საქმეთა სამინისტროს პრესსამსახურის ინფორმაციით, საქმეზე ინტენსიური საგამოძიებო მოქმედებები მიმდინარეობს.

საქმზე გამოძიება სისხლის სამართლის კოდექსის 127-ე მუხლით დაიწყო. ამ მუხლით, სიცოცხლისათვის საშიშ მდგომარეობაში იმის ჩაყენება, ვისაც შესაძლებლობა არა აქვს მიიღოს ზომები თავის დასაცავად ისჯება ჯარიმით ან თავისუფლების აღკვეთით ვადით ორ წლამდე.

როგორც სასწრაფო სამედიცინო სამსახურის პრესსამსახურში On.ge-ს განუცხადეს დაახლოებით 35 კვირის ბავშვის მდგომარეობა საშუალო სიმძიმისაა, იაშვილის სახელობის კლინიკაშია გადაყვანილი და ჟანგბადი ხელოვნურად მიეწოდება.