გერმანიის სამხრეთით ქალაქ კონსტანსში, ღამის კლუბში მომხდარი თავდასხმის შედეგად, ერთი ადამიანი დაიღუპა და სამი სერიოზულად დაშავდა. ამის შესახებ ინფორმაციას BBC ავრცელებს პოლიციის ცნობებზე დაყრდნობით.

30 ივლისს, გამთენიისას, თავდამსხმელმა კაცმა კლუბში ცეცხლი გახსნა. ადგილზე მისულმა პოლიციამ შეიარაღებულ პირს ესროლა, მოგვიანებით კი ის საავადმყოფოში გარდაიცვალა.

პოლიციის ცნობით, კლუბში მყოფმა ხალხმა თავს გაქცევით უშველა. თვითმხილველები იხსენებენ, რომ თავდამსხმელმა ასევე ესროლა კლუბის დაცვასაც, რომელიც მის შეჩერებას ცდილობდა. დაჭრილია ერთი პოლიციის ოფიცერიც.

როგორც BBC წერს, ჯერჯერობით უცნობია თავდასხმის მოტივი.