DRI: კარბაიას მკვლელობაში მონაწილე პოლიციელები გათავისუფლდნენ, ეს ეთნიკური დისკრიმინაციის ინსტიტუციური დადასტურებაა
მოკლედ: დემოკრატიის კვლევის ინსტიტუტის (DRI) ინფორმაციით, გალის რაიონის სოფელ წარჩეს მკვიდრი, 44 წლის ვიტალი (თემურ) კარბაიას მკვლელობაში მონაწილე პოლიციელები გალის დე ფაქტო რაიონული სასამართლოს მოსამართლემ დარბაზიდან გაათავისუფლა.
- "ეს ფაქტი ოკუპირებულ აფხაზეთში ეთნიკური დისკრიმინაციის მორიგი ინსტიტუციური დადასტურებაა", — წერს DRI.
დეტალები: DRI-ის ინფორმაციით, 2024 წლის 28 მაისს, გალის რაიონული სასამართლოს მოსამართლემ დახურულ რეჟიმში ჩატარებულ სასამართლო პროცესზე დაადგინა, რომ თემურ კარბაიას სიკვდილი მილიციის თანამშრომლების მიერ ჩადენილი არა წინასწარ განზრახული, არამედ დაუდევარი ქმედებების შედეგად დადგა.
მოსამართლემ, დაკავებული პოლიციელები ალბერტ ზარაკუა და ვიანორ აბშილავა, სასამართლოს დარბაზიდან გაათავისუფლა.
- მკვლელობაში ბრალდებულებს ჯარიმის სახით ორმოცდაათი ათასი რუბლის (ათას ექვსასი ლარის ეკვივალენტი) გადახდა მოუწევთ. მათ, ასევე, ერთი წლის ვადით აეკრძალათ საჯარო თანამდებობების დაკავების უფლება.
- ვარაუდობენ, რომ თითოეულმა დაკავებულმა მოსამართლეს ასი ათასი რუბლის (დაახლოებით სამი ათას ორასი ლარი) ქრთამი გადაუხადა.
- დემოკრატიის კვლევის ინსტიტუტისთვის უცნობია საქმის განმხილველი მოსამართლის ვინაობა.
გარდა ამისა, თებერვალში, ზუგდიდში დააკავეს კარბაიას საქმის კიდევ ერთი ფიგურანტი — აფხაზეთის დე ფაქტო შინაგან საქმეთა სამინისტროს პოლიციის თანამშრომელი, უმცროსი ლეიტენანტი დავით კვეკვესკირი.
- სასამართლოს გადაწყვეტილებით, დავით კვეკვესკირი დაკავებულია საქართველოს სისხლის სამართლის კოდექსის 236-ე მუხლის საფუძველზე, ცეცხლსასროლი იარაღის უკანონო შეძენა, შენახვა, ტარების ბრალდებით.
- აფხაზეთის დე ფაქტო პროკურატურის ინფორმაციით, კვეკვესკირის მიმართ გამოცხადებულია ძებნა, ხოლო სისხლის სამართლის საქმის მასალები აღნიშნულ საქმეზე ცალკე წარმოებად არის გამოყოფილი.
კონტექსტი: DRI-ის ცნობით, ვიტალი კარბაია 2023 წლის 9 დეკემბერს გალის დე ფაქტო მილიციის განყოფილების თანამშრომლების მხრიდან სასტიკი ცემის შედეგად მიყენებული დაზიანებებით გარდაიცვალა. ის 2023 წლის 6 დეკემბერს გალის დე ფაქტო მილიციის თანამშრომლებმა შეპასუხების გამო სასტიკად სცემეს.
- კლინიკაში მიყვანილ ვიტალი კარბაიას ჩამტვრეული ჰქონდა ნეკნები, ჰქონდა ტვინის შერყევა და სისხლს აღებინებდა. მოგვიანებით, უგონო მდგომარეობაში მყოფი სოხუმის რესპუბლიკური საავადმყოფოში გადაიყვანეს.
- კარბაიას სიკვდილის თარიღად გაფორმებულია 9 დეკემბერი.
"თავდაპირველად, გალის დე ფაქტო მილიცია და აფხაზეთის დე ფაქტო შინაგან საქმეთა სამინისტრო გარდაცვალების მიზეზად დაკავებულის ჯანმრთელობის მდგომარეობას და დაკავებისას მის ალკოჰოლური ინტოქსიკაციის ქვეშ ყოფნას ასახელებდა", — წერს DRI.
- მისივე თქმით, აფხაზეთის დე ფაქტო შინაგან საქმეთა სამინისტროსგან მიერ მიღებული ოფიციალური ინფორმაციის თანახმად:
- "კარბაია უცენზურო სიტყვებით მიმართავდა პოლიციის თანამშრომლებს და მათ შენიშვნებზე არ რეაგირებდა. კარბაიას შემოწმებისა და იდენტიფიცირების შემდეგ, ის გადაყვანილი იქნა გალის დროებითი მოთავსების იზოლატორში, სადაც გამეტებით ცდილობდა საკუთარ სხეულზე მიეყენებინა დაზიანებები, რის შემდეგ ის გადაყვანილი იქნა რაიონის საავადმყოფოში მედიკამენტური ჩარევის მიზნით".
DRI წერს, რომ კარბაიას თვითდაზიანების მიყენების შედეგად გარდაცვალების შესახებ თავდაპირველ ვერსიას საზოგადოებაში დიდი მღელვარება მოყვა.
- გარდაცვლილის ოჯახის ახლო ნათესავების ჩარევითა და მოსახლეობის ზეწოლის შედეგად კი, აფხაზეთის დე ფაქტო შინაგან საქმეთა სამინისტრო იძულებული გახდა კარბაიას დაკავებაში მონაწილე მილიციელების წინააღმდეგ გამოძიება დაეწყო.
- გამოძიებას ხელი შეუწყო აფხაზეთის დე ფაქტო სახალხო დამცველის ანას ქიშმარიას დროულმა ჩარევამ, რომელმაც აფხაზეთის დე ფაქტო პროკურატურასა და შინაგან საქმეთა სამინისტროს კარბაიას საქმეზე შემოწმების მიზნით მიმართა.
- "მოგვიანებით, საქმეში ჩართული მილიციელების დაკავებამ და მათმა სასამართლო პროცესმა, სამართლიანობის აღდგენის იმედი გააჩინა. თუმცა, მოლოდინი არ გამართლდა.", — წერს DRI.
DRI-ის შეფასებით, ოკუპირებულ აფხაზეთში ეთნიკურ ქართველებს საკუთარი უფლებებისთვის ბრძოლა მხოლოდ აფხაზი ნათესავების გამოსარჩლებით და საშუალებით შეუძლიათ.
- სწორედ ასე შებრუნდა გალის დე ფაქტო მილიციის განყოფილების თანამშრომლების ალბერტ ზარაკუას და ვიანორ აბშილავას საქმე აფხაზეთის დე ფაქტო სასამართლოში. თუმცა, შესაბამისი შედეგის გარეშე.
- "ოკუპირებულ გალში მაცხოვრებელი ქართველებს ყოველდღიური ყოფითი შეხება აფხაზურ დე ფაქტო ადმინისტრაციასთან ან მილიციასთან კიდევ უფრო მეტად აუცხოებს მათ აფხაზებისგან, რაც რუსეთის მედიატორულ და პროტექტორულ როლს ზრდის, განსაკუთრებით, ოკუპირებული ტერიტორიების მიმართ საქართველოს ხელისუფლების პასიური, სტრატეგიული ხედვის არმქონე პოლიტიკის ფონზე", — წერს DRI.
-
გადახედვაისრაელის არმიის ცნობით, ჰასან ნასრალა ლიკვიდირებულია ისრაელის არმიის ცნობით, ჰასან ნასრალა ლიკვიდირებულია
-
გადახედვაპრემიერის თქმით, გიორგი ამილახვრის გადადგომა, მმართველი გუნდისთვის, დიდი დანაკლისია პრემიერის თქმით, გიორგი ამილახვრის გადადგომა, მმართველი გუნდისთვის, დიდი დანაკლისია
-
გადახედვაგანათლების მეცნიერებისა და ახალგაზრდობის მინისტრი გიორგი ამილახვარი თანამდებობიდან გადადგა განათლების მეცნიერებისა და ახალგაზრდობის მინისტრი გიორგი ამილახვარი თანამდებობიდან გადადგა
-
გადახედვაისრაელმა ბეირუთში ჰეზბოლას ლიდერის შტაბი დაბომბა ისრაელმა ბეირუთში ჰეზბოლას ლიდერის შტაბი დაბომბა
-
გადახედვაქვიზი: გამოიცანი ქართველი პოლიტიკოსი ფრაზით ქვიზი: გამოიცანი ქართველი პოლიტიკოსი ფრაზით
-
გადახედვატომ სალივანი: შეშფოთებულები ვართ ტრაექტორიით, რომლითაც "ქართულ ოცნებას" ქვეყანა მიჰყავს ტომ სალივანი: შეშფოთებულები ვართ ტრაექტორიით, რომლითაც "ქართულ ოცნებას" ქვეყანა მიჰყავს
-
გადახედვააშშ-ის დასავლეთ სანაპიროს ქარიშხალი ჰელენი უტევს აშშ-ის დასავლეთ სანაპიროს ქარიშხალი ჰელენი უტევს
-
გადახედვავოლოდიმირ ზელენსკი და დონალდ ტრამპი ერთმანეთს შეხვდნენ ვოლოდიმირ ზელენსკი და დონალდ ტრამპი ერთმანეთს შეხვდნენ
-
გადახედვაილიაუნის სტუდენტებმა ავტორიზაციის საბჭოს გადაწყვეტილება დაგმეს ილიაუნის სტუდენტებმა ავტორიზაციის საბჭოს გადაწყვეტილება დაგმეს
-
გადახედვააღმოაჩინეს დედამიწის მსგავსი ეგზოპლანეტა, რომელიც მზის სისტემის მომავალზე გვაფიქრებს აღმოაჩინეს დედამიწის მსგავსი ეგზოპლანეტა, რომელიც მზის სისტემის მომავალზე გვაფიქრებს
-
გადახედვაროგორი იქნება ლარის კურსი უქმეებზე? როგორი იქნება ლარის კურსი უქმეებზე?
-
გადახედვანახეთ: ზონდმა გადაიღო, როგორ მძვინვარებს მზის ტურბულენტური პლაზმა ნახეთ: ზონდმა გადაიღო, როგორ მძვინვარებს მზის ტურბულენტური პლაზმა
-
გადახედვასაგარეო უწყება: ცესკო-ს ვაწვდით მხოლოდ საკონსულო აღრიცხვაზე მყოფ აქტიურ ამომრჩეველთა რაოდენობას საგარეო უწყება: ცესკო-ს ვაწვდით მხოლოდ საკონსულო აღრიცხვაზე მყოფ აქტიურ ამომრჩეველთა რაოდენობას
-
გადახედვალეგენდარული მსახიობი მეგი სმიტი გარდაიცვალა ლეგენდარული მსახიობი მეგი სმიტი გარდაიცვალა
-
გადახედვა10 ცხოველი, რომლებიც ქართველ კომიკოსებზე მეტად გაგაცინებს 10 ცხოველი, რომლებიც ქართველ კომიკოსებზე მეტად გაგაცინებს
-
-
გადახედვაუკრაინის საელჩო: გმირები არ კვდებიან, სანამ მათი ხსოვნა ცოცხალია, უკრაინას ისინი ახსოვს! უკრაინის საელჩო: გმირები არ კვდებიან, სანამ მათი ხსოვნა ცოცხალია, უკრაინას ისინი ახსოვს!
-
-
-
გადახედვაშესაძლოა, ავსტრალიის ქვეშ მსოფლიოში უდიდესი კრატერი იყოს — რა მიანიშნებს ამაზე შესაძლოა, ავსტრალიის ქვეშ მსოფლიოში უდიდესი კრატერი იყოს — რა მიანიშნებს ამაზე
-
გადახედვა6 ფილმი ქართულ-აფხაზურ კონფლიქტზე 6 ფილმი ქართულ-აფხაზურ კონფლიქტზე
კომენტარები