მოკლედ: სახალხო დამცველი, ლევან იოსელიანი, შეშფოთებას გამოთქვამს სოფელ ბალდაში განვითარებული მოვლენები გამო და აღნიშნავს, რომ სახელმწიფომ ყველა ქმედითი ნაბიჯი უნდა გადადგას სიტუაციის განსამუხტად და კრიზისიდან გამოსვლის გზების მოსაძებნად.

დეტალები: საქართველოს სახალხო დამცველი მოუწოდებს გარემოს დაცვისა და სოფლის მეურნეობის სამინისტროსა და დაცული ტერიტორიების სააგენტოს, უზრუნველყონ დაინტერესებულ საზოგადოებასთან შეხვედრა და გაითვალისწინონ შეხვედრის მოსახლეობისთვის სასურველი ფორმატი:

  • "პროტესტის მონაწილეებთან დიალოგსა და მედიაციას ალტერნატივა არ აქვს".

კონტექსტი: შინაგან საქმეთა სამინისტრომ, განზრახ მკვლელობის მცდელობის და მუქარის ბრალდებით, დააკავა ორი ძმა, რომლებიც 11 ივნისს, ბალდის კანიონის მცველებს კარავში თავს დაესხნენ.

  • ერთ-ერთმა ბრალდებულმა, ურთიერთშელაპარაკების ნიადაგზე, ცივი იარაღის გამოყენებით, თანასოფლელი დაჭრა, შემთხვევის დროს დაზიანება მიიღო კიდევ ერთმა პირმა.
  • ბრალდებულები, ცივი იარაღისა და სანადირო თოფის დემონსტრირებით ადგილობრივებს სიცოცხლის მოსპობითაც დაემუქრნენ.

გუშინ, 12 ივნისს, პოლიციამ დააკავა დიკო ბჟალავა, მოძრაობა ბალდის კანიონის შესანარჩუნებლად წევრი.

  • გამოძიება სისხლის სამართლის კოდექსის 151-ე მუხლით მიმდინარეობს, რაც მუქარას გულისხმობს.
  • მოძრაობის თქმით, ბჟალავა დააკავეს, ბალდის კანიონის მცველების კარავში თავდასხმაში ბრალდებულის ცოლის საჩივრის საფუძველზე.

მოძრაობა ბალდის კანიონის შესანარჩუნებლად წერს, რომ გარემოს დაცვისა და სოფლის მეურნეობის სამინისტროს ორ დღეს აძლევენ იმისთვის, რომ უთხრან, როდის შეხვდება მათ მინისტრი ოთარ შამუგია.

გაიგე მეტი: მოძრაობა "ბალდის კანიონის შესანარჩუნებლად" სოფლის მეურნეობის მინისტრთან შეხვედრას ითხოვს