მოკლედ: მოძრაობა ბალდის კანიონის შესანარჩუნებლად წერს, რომ მათი წევრი, დიკო ბჟალავა, სიცოცხლის მოსპობის მუქარის ბრალდებით, პოლიციამ დააკავა.

დეტალები: "დაახლოებით 2 საათის წინ, მოტყუებით, დაკითხვის საბაბით პოლიციამ სახლიდან გამოიყვანა მოძრაობის წევრი დიკო ბჟალავა. 2 საათის განმავლობაში ოჯახის წევრებს არ გვქონდა ინფორმაცია მისი ადგილმდებარეობის შესახებ. გაათიშვინეს ტელეფონი და პოლიცია არ გვაწვდიდა ინფორმაციას", — წერს მოძრაობა.

  • მათივე თქმით, ბჟალავა დააკავეს, ბალდის კანიონის მცველების კარავში თავდასხმაში ბრალდებულის ცოლის საჩივრის საფუძველზე:
  • "გუშინდელი თავდამსხმელის მეუღლე დიკო ბჟალავას აბრალებს სიცოცხლის მოსპობის მუქარას. მომჩივნის მეუღლე წუხელ საპროტესტო კარავში თავს დაესხა და მრავლობითი დაზიანება მიაყენა პროტესტის ერთ-ერთი მონაწილეს, რომელიც გადაყვანილია ქუთაისში და აქამდე რჩება საავადმყოფოში".

დიკო ბჟალავას დაკავებას ადასტურებს შინაგან საქმეთა სამინისტროც. მათი თქმით, გამოძიება სისხლის სამართლის კოდექსის 151-ე მუხლით მიმდინარეობს, რაც მუქარას გულისხმობს.

კონტექსტი: შინაგან საქმეთა სამინისტრომ, განზრახ მკვლელობის მცდელობის და მუქარის ბრალდებით, დააკავა ორი ძმა, რომლებიც გუშინ, 11 ივნისს, ბალდის კანიონის მცველებს კარავში თავს დაესხნენ.

  • ერთ-ერთმა ბრალდებულმა, ურთიერთშელაპარაკების ნიადაგზე, ცივი იარაღის გამოყენებით, თანასოფლელი დაჭრა, შემთხვევის დროს დაზიანება მიიღო კიდევ ერთმა პირმა.
  • ბრალდებულები, ცივი იარაღისა და სანადირო თოფის დემონსტრირებით ადგილობრივებს სიცოცხლის მოსპობითაც დაემუქრნენ.