რა ხდება: შინაგან საქმეთა სამინისტროს ინფორმაციით, რუსთაველის გამზირზე, პარლამენტის მიმდებარე ტერიტორიაზე საპოლიციო ძალები არიან მობილიზებული.

დეტალები: შსს მოუწოდებს აქციის ორგანიზატორებს და მონაწილეებს, რადგანაც პარლამენტში სხდომა სრულდება, "შენობაში მყოფ დეპუტატებსა და პარლამენტის აპარატის თანამშრომლებს მისცენ შესაძლებლობა, რომ შეუფერხებლად დატოვონ შენობა და პროტესტის გამოხატვა მშვიდ ვითარებაში განაგრძონ."

  • "პოლიციის მიერ დაუყოვნებლივ იქნება აღკვეთილი კანონდარღვევის ნებისმიერი ფაქტი, ხოლო საზოგადოებრივი წესრიგის დამრღვევი პირების მიმართ კანონით გათვალისწინებული ზომები გატარდება", — წერს შსს.

პარლამენტმა რუსულ კანონზე პრეზიდენტის ვეტო დაძლია და კანონი 84 ხმით მიიღო, წინააღმდეგი იყო 4 დეპუტატი.

  • საკანონმდებლო ორგანოს შენობასთან დილიდან მიმდინარეობს საპროტესტო აქცია.
  • ცოტა ხნის წინ, აქციის მონაწილეების რაოდენობის გამო, რუსთაველის გამზირი გადაიკეტა.