მოკლედ: პარტია გირჩია უარს აცხადებს, ხელი მოაწეროს პრეზიდენტ სალომე ზურაბიშვილის ქართულ ქარტიას, რომელიც პრეზიდენტმა გუშინ, 26 მაისს გააცნო საზოგადოებას.

  • "ხელის მოწერას არ ვაპირებთ, მაგრამ მხარს ვუჭერთ", — განუცხადა გირჩის ერთ-ერთმა ლიდერმა, იაგო ხვიჩიამ, ტელეკომპანია პირველს.

დეტალები: ხვიჩიას თქმით, საქართველოში არსებობს სამი პოლიტიკური აზრი: "ქოცების, ნაცების და ჩვენი [გირჩის] და ეს დოკუმენტიც ამ აზრის სისრულეში მოსაყვანად არის შექმნილი და ის არ ითვალისწინებს, ისევე, როგორც ჩვენი გეგმა, რომ ჩვენ შევიდეთ რომელიმე პარტიაში".

კონტექსტი: გუშინ, 26 მაისს, საქართველოს დამოუკიდებლობის დღეს, პრეზიდენტმა სალომე ზურაბიშვილმა წარადგინა გეგმა — ქართულ ქარტია, რომლით გათვალისწინებული ნაბიჯები, დოკუმენტის ხელმომწერმა პარტიებმა უნდა გადადგან, არჩევნებში გამარჯვების შემდეგ.

  • ქარტიაზე რომ ხელს მოაწერენ, პარტიების ნაწილმა უკვე დაადასტურა.

მათ შორის — ლელოს ლიდერმა, ბადრი ჯაფარიძემ;

  • ახალის ლიდერმა ნიკა გვარამიამ;
  • ერთიანმა ნაციონალურმა მოძრაობამ;
  • გირჩი-მეტი თავისუფლებამ და დროამ;
  • რესპუბლიკურმა პარტიამ;
  • ევროპულმა საქართველომ;
  • სტრატეგია აღმაშენებელმა.

გაიგე მეტი: ოპოზიციის ნაწილი მზადაა, პრეზიდენტის "ქართულ ქარტიას" შეუერთდეს — რას გვთავაზობს სალომე ზურაბიშვილი