მოკლედ: საქართველოს პრემიერ მინისტრი ირაკლი კობახიძე აცხადებს, რომ ერთ-ერთი ევროკომისარი სატელეფონო საუბრისას დაემუქრა.

  • მისი თქმით, ევროკომისარმა ჩამოთვალა რიგი ზომები, რომლებიც დასავლელმა პოლიტიკოსებმა "გამჭვირვალობის კანონზე" ვეტოს დაძლევის შემდეგ შეიძლება მიიღონ და ახსენა — "ხომ ნახეთ, ფიცოს რა დაემართა და ძალიან ფრთხილად უნდა იყოთო".

დეტალები: კობახიძე წერს, რომ მისთვის "უკიდურესად შემაშფოთებელია", როდესაც "გამჭვირვალობის შესახებ კანონთან დაკავშირებული შანტაჟის კონტექსტში" ახსენებენ სლოვაკეთის პრემიერ-მინისტრს, რომელზეც რამდენიმე დღის წინ ტერორისტული თავდასხმა განხორციელდა და რომელიც ამჟამადაც მკურნალობას გადის:

  • "ხაზს გავუსვამ იმასაც, რომ წინასწარი ინფორმაციით, პრემიერ-მინისტრზე თავდასხმის უკან იკვეთება ერთ-ერთი ქვეყნის სპეცსამსახურის კვალი, რომელიც გლობალურ ომის პარტიასთან განსაკუთრებით მჭიდროდ არის დაკავშირებული".
  • პრემიერ-მინისტრი წერს, რომ პრევენციის მიზნით, თავი ვალდებულად მიიჩნია, მუქარის შესახებ საზოგადოებისთვის ემცნო:
  • "რობერტ ფიცოს მკვლელობის მცდელობასთან გავლებული პარალელი შეგვახსენებს, რომ გლობალური ომის პარტიის სახით, საქმე გვაქვს უაღრესად საშიშ ძალასთან, რომელიც საქართველოში არეულობის შემოსატანად ყველაფერზეა წამსვლელი".

გაიგე მეტი: პრემიერის თქმით, გლობალური ომის პარტიასთან ბრძოლა პერსონალურ რისკებთან არის დაკავშირებული — რას ებრძვის მმართველი პარტია

კონტექსტი: 15 მაისს, სლოვაკეთის პრემიერ-მინისტრ რობერტ ფიცოს ცეცხლი გაუხსნეს.

  • შემთხვევა ქალაქ ჰანდლოვაში მოხდა, რომელიც დედაქალაქ ბრატისლავადან 150 კმ-ში მდებარეობს.