მოკლედ: სახალხო დამცველის აპარატის ინფორმაციით, დღეს, 13 მაისს, რუსული კანონის საპროტესტო აქციაზე დაკავებული 23 ადამიანი მოინახულეს.

დეტალები: სახალხო დამცველის აპარატი წერს, რომ ყველა დაკავებული პოლიციის მხრიდან ძალადობაზე მიუთითებს და მათ დაზიანებებიც აღენიშნებათ.

  • 23-დან 22 დაკავებული პოლიციის მხრიდან განხორციელებულ არასათანადო მოპყრობაზე მიუთითებს, მათგან 16 კი სპეციალური საგამოძიებო სამსახურის მხრიდან გამოძიების ჩატარებას ითხოვს.

რუსული კანონის საპროტესტო აქციაზე დაკავებული ერთ-ერთი დემონსტრანტი, გურამ ადამია, იზოლატორიდან კლინიკაში გადაიყვანეს.

  • ამასთან, დაკავებული გუკა რჩეულიშვილის ადვოკატმა ბექა ბასილაიამ On.ge-ის უთხრა, რომ მისი დაცვის ქვეშ მყოფი ნაცემია, აქვს სისხლჩაქცევები და სავარაუდოდ, ცხვირი აქვს გატეხილი.

მსგავსი: ადვოკატის ინფორმაციით, საპროტესტო აქციაზე დაკავებული გუკა რჩეულიშვილი ნაცემია, აქვს სისხლჩაქცევები და სავარაუდოდ, ცხვირი აქვს გატეხილი

კონტექსტი: დღეს, შინაგან საქმეთა სამინისტრომ, საქართველოს პარლამენტთან, რუსული კანონის საპროტესტო აქციის 20 მონაწილე დააკავა.

  • საპროტესტო აქციიდან, მედიასაშუალებებმა გაავრცელეს ვიდეო კადრები, სადაც ჩანს თუ როგორ უსწორდებიან სპეცრაზმელები მოქალაქეებს ფიზიკურად და აკავებენ.
  • პოლიციის მხრიდან, მოქალაქეთა მიმართ არასათანადო მოპყრობის ფაქტებზე, სახალხო დამცველმა, ლევან იოსელიანმაც განაცხადა. მან შინაგან საქმეთა სამინისტროს მოუწოდა იმოქმედოს კანონმდებლობის ფარგლებში.

გაიგე მეტი: DRI: აქციის მონაწილეთა მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად