რა ხდება: ამ მომენტში, პარლამენტის მიმდებარედ, ჭიჭინაძის ქუჩის მხარეს, დაპირისპირებაა.

  • ტვ პირველის ინფორმაციით, მანიფესტანტები სრულიად მშვიდობიანად იდგნენ, როდესაც მათთან სპეცრაზმელები მიიჭრნენ, დააკავეს, სავარაუდოდ, 2 ადამიანი.
  • ასევე, მათი მისამართით გააფრქვიეს ჯერჯერობით დაუდგენელი ნივთიერება.

დეტალები: აქციის მონაწილეების თქმით, მათი მხრიდან არანაირი პროვოცირება არ მომხდარა.

  • კადრებში ჩანს, რომ ამ დროისთვის, დეპუტატები საკანონმდებლო ორგანოს ეზოში შედიან ჭიშკრებიდან, რომელსაც პოლიცია იცავს.
  • აქციის მონაწილეები მათ ხვდებიან შეძახილებით "რუსებო", "მონებო".

ბოლო ხაზი: რამდენიმე წუთში იურიდიული კომიტეტის სხდომა დაიწყება და რუსულ კანონს მესამე მოსმენით განიხილავენ.

  • ეს კანონპროექტი ბოლო, მესამე მოსმენით პლენარულ სხდომაზე ხვალ, 14 მაისს გავა.