ეროვნულ დემოკრატიული ინსტიტუტის (NDI) უახლესი კვლევის თანახმად, გამოკითხულთა 60 პროცენტს საკონსტიტუციო კომისიის შექმნისა და კონსტიტუციის ახალი, სამუშაო ვერსიის შექმნის შესახებ არ სმენია. პროცეს გამოკითხულთა მხოლოდ 32 პროცენტი იცნობს.

აღნიშნული 32 პროცენტიდან, 59 პროცენტი მიიჩნევს, რომ საკონსტიტუციო ცვლილებების შესახებ საკმარისი ინფორმაცია არ აქვს.

რაც შეეხება ქართული ოცნების მიერ გამართულ საერთო სახალხო განხილვებს, კვლევის თანახმად შეხვედრებს მოსახლწობის მხოლოდ ორი პროცენტი დაესწრო.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი-9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი პირისპირ ინტერვიუს სახით, წარმომადგენლობითი შერჩევით გამოიკითხა.