რა ხდება: საქართველოს პრეზიდენტი სალომე ზურაბიშვილი, რუსულ კანონთან დაკავშირებით, საქართველოს მთავრობას სამ არჩევანს სთავაზობს:

  1. უკან გაიწვიონ კანონი;
  2. კანონი დააბრუნონ მეორე მოსმენაზე და ოპოზიციური პარტიების შენიშვნებს და შემოთავაზებულ ცვლილებებს მოუსმინონ;
  3. რუსული კანონის ამოქმედების ვადა გადაიტანონ 1-ელ ნოემბრამდე, 2024 წლის საპარლამენტო არჩევნების შემდეგ, რომ "ვინც მოვა ხელისუფლებაში, მან გადაწყვიტოს, კანონი რუსულია თუ თუ სხვა კანონების გადამღერება".

დეტალები: ზურაბიშვილის თქმით, თავად არ აპირებს რუსული კანონის "გაპატიოსნებას" და ეს კანონი არის და ყოველთვის იქნება რუსული:

  • "პრეზიდენტს ეუბნებიან [ქართული ოცნება], რომ მოდი, ახლა ვეტო წარმოგვიდგინეთ, თქვენ ვერ წერთ, მაგრამ რაღაცებს დაგიწერენ სხვები, ან უცხოელები ან აქაური ენჯეოებიო და წარმოგვიდგინეთ და, შეიძლება, დავფიქრდეთ.
  • იფიქრეთ თქვენ და იყავით, მე ნამდვილად ვეტოს წარმოვადგენ, მაგრამ არცერთ ასეთ მანიპულაციაში არ შევალ და არ დავიწყებ თამაშებს, რამეთუ ამას აქვს ერთი მიზანი, შემოიტანოს ხალხში გაუგებრობა და დაბნეულობა", — თქვა პრეზიდენტმა.
  • პრეზიდენტმა, ასევე, აღნიშნა, რომ პრემიერმა ირაკლი კობახიძემ მას საქართველოს ჯარის წინაშე ეძახა მოღალატე: "ამ წუთში, მე რომ დამასწრო პრემიერმა მისი გამოსვლა, არის რუსული და ამ რუსულ გარემოებაში არავინ ამ ქვეყანაში არ დაბრუნდება".

კიდევ რა თქვა პრეზიდენტმა: "ძალიან სასაცილოა, როცა პოლიტიკოსები, ვითომ მაღალი IQ-თი ითვლიან და ვეღარ ითვლიან, რამდენი ადამიანი იყო. არაფერი დათვლა არ არის საჭირო"

კონტექსტი: 10 მაისს, საქართველოს პრემიერ-მინისტრმა, ირაკლი კობახიძემ ტელეჟურნალისტებთან ინტერვიუს დროს, თქვა, რომ ვეტოს პროცედურის ფარგლებში, რუსულ კანონში ცვლილებებზე შესაჯერებლად მზად არიან.

  • კობახიძის თქმით, საერთაშორისო პარტნიორებთან საუბარში, ხედავს "პოზიტიურ ძვრებს" და მზაობას დისკუსიისთვის, კანონის ნორმებთან დაკავშირებით.
  • გუშინ, 11 მაისს, ოპოზიციურმა პარტიებმა განაცხადეს, რომ რუსული კანონის "შელამაზებულ ვერსიას" არ მიიღებენ, კანონი გაუმჯობესებას არ ექვემდებარება და მთავრობამ ის უპირობოდ უნდა გაიწვიოს.