რა ხდება: არასამთავრობო ორგანიზაციები საერთო განცხადებას ავრცელებენ და წერენ, რომ იურიდიულ საკითხთა კომიტეტის სხდომა, სადაც რუსულ კანონს განიხილავენ, დეპუტატების გაძევებისა და ცენზურის ფონზე მიმდინარეობს.

  • "ოხანაშვილი უხეშად ერევა პარლამენტის წევრების უფლებაში, თავად განსაზღვრონ კითხვის შინაარსი, რითაც იხშობა კრიტიკული აზრი და ხელოვნურად იქმნება რუსული კანონის ერთპარტიულად განხილვის გარემო", — წერია განცხადებაში.

დეტალები: განცხადების მიხედვით, იურიდიულ საკითხთა კომიტეტის თავმჯდომარე, ანრი ოხანაშვილი, თავის უფლებამოსილებას "ბოროტად" იყენებს:

  • "ზღუდავს [ანრი ოხანაშვილი] დეპუტატების საქართველოს პარლამენტის რეგლამენტით გარანტირებულ შესაძლებლობას — ოპონირება გაწიონ, დასვან მწვავე კითხვები და მიიღონ პასუხები".

განცხადების მიხედვით, ოპოზიციის წარმომადგენლებისთვის სიტყვის ჩამორთმევის და გაძევების პრაქტიკა, წარმომადგენლობითი დემოკრატიის ფუნდამენტურ პრინციპებს არღვევს.

  • ხელმომწერი ორგანიზაციები მოუწოდებენ პარლამენტის იურიდიულ საკითხთა კომიტეტის თავმჯდომარეს, მაღალი საზოგადოებრივი ინტერესიდან გამომდინარე, სხდომაზე მყოფ პირებს, მაქსიმალურად მისცეს კითხვების დასმისა და საკუთარი აზრის გამოხატვის საშუალება.

განცხადებას ხელს აწერს 20 ორგანიზაცია:

  • სამართლიანი არჩევნებისა და დემოკრატიის საერთაშორისო საზოგადოება
  • სამოქალაქო საზოგადოების ფონდი
  • საქართველოს ახალგაზრდა იურისტთა ასოციაცია
  • საერთაშორისო გამჭვირვალობა — საქართველო
  • საქართველოს სასამართლოს გუშაგი
  • საქართველოს ევროპული ორბიტა
  • საფარი
  • ევროპულ-ქართული ინსტიტუტი
  • მრავალპარტიული დემოკრატიის ცენტრი
  • მწვანე ალტერნატივა
  • მედიის განვითარების ფონდი
  • ინფორმაციის თავისუფლების განვითარების ინსტიტუტი
  • საბჭოთა წარსულის კვლევის ლაბორატორია
  • ტოლერანტობის და მრავალფეროვნების ინსტიტუტი
  • საქართველოს რეფორმების ასოციაცია
  • დემოკრატიის მცველები
  • Tbilisi Pride
  • საქართველოს მომავლის აკადემია
  • ეკონომიკური პოლიტიკის კვლევის ცენტრი
  • საქართველოს დემოკრატიული ინიციატივა

კონტექსტი: დღეს, 29 აპრილს, იურიდიულ საკითხთა კომიტეტის სხდომაზე რუსული კანონის მეორე მოსმენა, ხმაურისა და კამათის ფონზე მიმდინარეობს.

  • კომიტეტის თავმჯდომარემ დარბაზიდან გააძევა 11 ოპოზიციონერი დეპუტატი: ლევან ბეჟაშვილი, გიორგი ვაშაძე, სალომე სამადაშვილი, თამარ კორძაია, ანა წითლიძე, ქეთევან თურაზაშვილი, ხატია დეკანოიძე, დავით ხაჯიშვილი, ლევან ხაბეიშვილი, გიორგი გოდაბრელიძე და თაკო ჩარკვიანი.
  • გარდა ამისა, პროტესტის ნიშნად, სხდომათა დარბაზი დატოვა გირჩის ლიდერმა, იაგო ხვიჩიამ. მან საკომიტეტო განხილვას ბუტაფორია უწოდა.

გაიგე მეტი: რუსული კანონის საკომიტეტო განხილვა კამათის ფონზე მიმდინარეობს — ანრი ოხანაშვილმა გიორგი ვაშაძე და ლევან ბეჟაშვილი დარბაზიდან გააძევა