ცნობილმა ქართულმა მუსიკალურმა ჯგუფმა, LOUDspeakers-მა, ახალი სიმღერა, როგორ გავძლებთ აქ? გამოუშვა. სიმღერის მოსმენა როგორც იუთუბზე, ასევე Spotify-ის, Apple Music-ისა და Deeze-ის აპლიკაციებშია შესაძლებელი.

სიმღერა ქვეყანაში მიმდინარე ბოლო პოლიტიკურ პროცესებს ეხმაურება, სიმღერის მთავარ ფოტოზე კი სათაურზე,როგორ გავძლებთ აქ? პასუხსაც ვპოულობთ — ერთობით.

LOUDspeakers 2009 წელს შეიქმნა და მას შემდეგ მისი სოლისტი ლევან ლაუდაძეა. სრული შემადგენლობით ბენდი მაყურებლის წინაშე პირველად ახალი ჯგუფების ფესტივალ Altervision/Newcomers-ზე წარდგა 2010 წელს და რჩეულებს შორისაც აღმოჩნდა.

ჯგუფის პირველი სტუდიური ალბომი Lighthouse მსმენელში დიდი პოპულარობით სარგებლობს. განსაკუთრებული სიყვარული კი სიმღერას World in My Eyes ხვდა წილად — იუთუბზე კომპოზიციას უკვე 14 მილიონზე მეტჯერ მოუსმინეს. ასევე ჯგუფის პოპულარულ სიმღერებს შორისაა In This World, Old Dreamer და We Are One.

აღსანიშნავია, რომ LOUDspeakers-ის წევრები პოლიტიკური აქტივიზმითაც გამოირჩევიან. ისინი საჯაროდ უჭერენ მხარს ქვეყნის ევროპულ მომავალს და ღიად გმობენ პრორუსულ პოლიტიკას, მათ შორის, ჯგუფი აქტიურადაა ჩართული რუსული კანონის წინააღმდეგ სახალხო პროტესტში და თავის აზრს ხშირად აფიქსირებს.

"ვინც რუსულ კანონს მხარს უჭერთ, არ დაგინახოთ ჩვენს კონცერტებზე", — წერს LOUDspeakers სოციალურ ქსელში.

საქართველოს მთავრობამ რუსული კანონი მეორედ ცოტა ხნის წინ დააინიფცირა, რასაც ათასობით ადამიანის პროტესტი მოყვა.