შინაგან საქმეთა სამინისტროს განცხადებით, სამართალდამცავებმა განსაკუთრებით დიდი ოდენობით ნარკოტიკული საშუალების შეძენა-შენახვის ბრალდებით, 1962 წელს დაბადებული პირი თბილისში, დემეტრე თავდადებულის ქუჩაზე დააკავეს.

უწყების მტკიცებით, სამართალდამცველებმა, დაკავებულის პირადი ჩხრეკისას, ნარკოტიკულ საშუალების 57 აბი და აბის ნატეხები ამოიღეს, რაც, ექსპერტიზის დასკვნით, 0,52604 გრამ ბუპრენორფინს შეიცავს.

შსს ასევე აცხადებს რომ დაკავებულს, ნარკოლოგიური შემოწმების შედეგად, ბეპრენორფინის და მარიხუანის უკანონო მოხმარების ფაქტი დაუდგინდა.

გამოძიება განსაკუთრებით დიდი ოდენობით ნარკოტიკული საშუალების შეძენა-შენახვის ფაქტზე მიმდინარეობს.