სოფელ ვეჯინის გამგებელს, კუკური ჯამატაშვილს სანადირო იარაღიდან ესროლეს. შემთხვევა გუშინ, 23 ივლისს მოხდა. ამის შესახებ On.ge-ს შინაგან საქმეთა სამინისტროს პრესსამსახურში განუცხადეს.

შინაგან საქმეთა სამინისტროს ინფორმაციით, დაკავებულია ბრალდებული, რომელიც ბრალს აღიარებს. უწყებაში აღნიშნავენ, რომ შემთხვევა ურთიერთშელაპარაკების დროს მოხდა. დაჭრილის მდგომარეობა სტაბილურია.

საქმეზე გამოძიება სისხლის სამართლის კოდექსის 117-ე მუხლით (ჯანმრთელობის განზრახ მძიმე დაზიანება) მიმდინარეობს.