მოკლედ: საქართველოს პრეზიდენტმა სალომე ზურაბიშვილმა ევროპული საბჭოს პრეზიდენტს, შარლ მიშელს და საფრანგეთის პრეზიდენტს, ემანუელ მაკრონს მიმართა, საქართველოში განვითარებული მოვლენები ევროპული საბჭოს ხვალინდელ სხდომაზე განიხილონ, მიუხედავად იმისა, რომ საკითხი სხდომის დღის წესრიგში შეტანილი არ არის.

  • ამის შესახებ პრეზიდენტის პრესსამსახურში აცხადებენ.

მანამდე, სალომე ზურაბიშვილმა X-ზე დაწერა, რომ "ხელისუფლების დაჟინება, მიიღონ ეს კანონი მოსახლეობის ნების წინააღმდეგ, მიუხედავად პარტნიორების პროტესტისა, პირდაპირი პროვოკაციაა — რუსეთის დესტაბილიზაციის სტრატეგია."

ბოლო ხაზი: საქართველოს პარლამენტში რუსული კანონის პირველი მოსმენით განხილვა დღეს დაიწყო, თუმცა კენჭისყრა დღეს არ ჩატარებულა.

  • მსჯელობას ხვალ, 12 საათზე გააგრძელებენ.

კანონის მოწინააღმდეგეები, პარლამენტთან, უკვე მეორე დღეა, აქციებს მართავენ.