მოკლედ: შსს-ს ინფორმაციით, გუშინ, 15 აპრილს, რუსული კანონის წინააღმდეგ გამართულ აქციაზე დაკავებული 14 ადამიანიდან პოლიციამ ხელწერილის საფუძველზე გაათავისუფლა 4 პირი.

  • დანარჩენი 10 დაკავებული კი დროებითი მოთავსების იზოლატორშია გადაყვანილი.

დეტალები: სამინისტროს ინფორმაციით, დროებით იზოლატორში ისინი ექიმებმა შეამოწმეს, შედგა შესაბამისი დოკუმენტაცია.

  • "მნიშვნელოვანია აღინიშნოს, რომ იზოლატორში ყოფნის პერიოდში დაკავებული პირებისთვის დამატებითი სამედიცინო დახმარების გაწევის საჭიროება არ დამდგარა", — წერს შსს,

ამასთან, სამინისტროს ცნობით,

  • დაკავებულები შეხვდნენ სახალხო დამცველის რწმუნებულსაც.
  • ყველა დაკავებულს შეუზღუდავად აქვს წვდომა საკუთარი ინტერესების დამცველ ადვოკატებთან, სახალხო დამცველის აპარატისა და სპეციალური საგამოძიებო სამსახურის წარმომადგენელთან.

ბოლო ხაზი: შსს-ს ინფორმაციით, "აქციის მონაწილეების ძალადობრივი ქმედებების შედეგად, დაშავდა შსს-ს ერთი თანამშრომელი, რომელსაც შესაბამისი დახმარება გაეწია.