მოკლედ: შინაგან საქმეთა სამინისტრო, რუსთაველზე, პარლამენტთან მიმდინარე აქციის შესახებ განცხადებას ავრცელებს.

  • უწყება ამბობს, რომ მიმდებარე ტერიტორიაზე მობილიზებული არიან სამართალდამცველები და იცავენ საზოგადოებრივ წესრიგს.

დეტალები: "შინაგან საქმეთა სამინისტრო მოუწოდებს აქციის ორგანიზატორებსა და მონაწილეებს, არ გასცდნენ გამოხატვის თავისუფლებისა და მშვიდობიანი შეკრების კანონით დადგენილ ნორმებს", — წერია შსს-ს განცხადებაში.

  • მათივე თქმით, აქციის მიმდინარეობისას, სამართალდარღვევის ნებისმიერი ფაქტი პოლიციის მხრიდან, კანონის ფარგლებში, დაუყოვნებლივ იქნება აღკვეთილი.

ბოლო ხაზი: პარლამენტთან მდგომარეობა, ცოტა ხნის წინ, დაიძაბა.

  • აქციის მონაწილეებმა სცადეს, პარლამენტის შენობისთვის წრე დაერტყათ, თუმცა მათ 9 აპრილის ქუჩაზე გზა გადაუღობა სპეცრაზმმა. გამოჩნდა ჭავლის მანქანებიც.