მოკლედ: ადამიანის უფლებათა ცენტრი (HRC) აცხადებს, რომ ლაზარე გრიგორიადისის საქმეზე, 9-წლიანი პატიმრობის განაჩენს სააპელაციო სასამართლოში გაასაჩივრებს.

დეტალები: HRC-ს მიაჩნია, რომ განაჩენი პოლიტიკურად მოტივირებულია და ლაზარე გრიგორიადისი არის პოლიტიკური პატიმარი.

  • "უკვე შესაძლებელია საქართველოს პრეზიდენტმა თავისი უფლებამოსილების ფარგლებში შეიწყალოს მსჯავრდადებული, რითაც აღმოიფხვრება პოლიტიკურად მოტივირებული მართლმსაჯულების ხარვეზები", — წერს HRC.

მსგავსი: ლაზარეს დედა, თამთა კალანდაძე პრეზიდენტს შეწყალების თხოვნით მიმართავს

კონტექსტი: დღეს, 12 აპრილს, 2023 წლის მარტის აქციების დროს დაკავებულ ლაზარე გრიგორიადისს 9-წლიანი პატიმრობა მიესაჯა. განაჩენის გამოცხადებას ლაზარეც ესწრებოდა.

  • გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.
  • დაკავებულს ბრალდება პოლიციელის ჯანმრთელობის ხელყოფისა და ცეცხლის წაკიდებით სხვისი ნივთის დაზიანების მუხლებით წარედგინა.

გაიგე მეტი: ერთადერთ ნათელ წერტილად და იმედად პრეზიდენტი გვრჩება — ლაზარეს დედის წერილი