მოკლედ: ორშაბათს, 8 აპრილს, 14:00 საათზე, საქართველოს პარლამენტთან და თბილისის საქალაქო სასამართლოსთან, გაიმართება აქცია სახელწოდებით, არა რუსულ კანონს — თავისუფლება ლაზარეს!

  • აქციის ორგანიზატორები არიან სამოქალაქო მოძრაობები — ტალღა და ჯიუტი, რომლებმაც 4 აპრილს, რუსულის კანონის წინააღმდეგ სამოქმედო გეგმის შესადგენად, საქართველოს პარლამენტის წინ საინფორმაციო შეხვედრა გამართეს.

გაიგე მეტი: რა ხდებოდა 4 აპრილის საღამოს პარლამენტის შენობასთან

დეტალები: აქციის ორგანიზატორების თქმით, ორშაბათს, პარლამენტში რუსულ კანონთან დაკავშირებული პროცედურები ხელახლა დაიწყება. თბილისის საქალაქო სასამართლოში კი, 2023 წლის მარტის აქციების დროს დაკავებული ლაზარე გრიგორიადისის დასკვნითი პროცესი გაიმართება.

  • "ორშაბათს, ჩვენ საზოგადოებას უნდა ვაჩვენოთ კავშირი იმ პროცესებს შორის, რომელიც პარალელურად ვითარდება პარლამენტსა და სასამართლოში! გთავაზობთ, რომ გადავნაწილდეთ და შევიკრიბოთ როგორც პარლამენტის უკან, ასევე სასამართლოს წინ!", — წერენ აქციის ორგანიზატორები.

ასევე, პარლამენტთან მოეწყობა ლაზარე გრიგორიადისის დასკვნითი პროცესის პირდაპირი ტრანსლაცია, რომელიც 8 აპრილს 15:00 საათზე გაიმართება.

სტრიქონებს შორის: ლაზარე გრიგორიადისის საქმეზე განაჩენი 28 მარტს უნდა გამოეტანათ, თუმცა, რადგან გრიგორიადისი პროცესს ფიზიკურად არ ესწრებოდა, მოსამართლე ზვიად შარაძემ დასკვნითი სასამართლო პროცესი გადადო.

მსგავსი: "ლაზარეს იმედი არ აქვს, რომ გაამართლებენ, ოჯახიც ამ ტალღაზე ვართ" — თამთა კალანდაძე

კონტექსტი: 3 აპრილს, ქართული ოცნების აღმასრულებელმა თავმჯდომარემ და უმრავლესობის ლიდერმა, მამუკა მდინარაძემ, განაცხადა, რომ ოცნება ისევ აპირებს, "უცხო აგენტად" გამოაცხადოს დამოუკიდებელი მედიასაშუალებები, რომელთა შემოსავლის 20%-ზე მეტის წყარო "უცხოური ძალაა", ანუ საგრანტო პროექტებია.

  • მდინარაძის თქმით, "კანონპროექტი საქართველოს პარლამენტში დაინიცირდება ზუსტად იმავე ტექსტით, როგორც შარშან იყო".

რეაქციისგან: რატომ არის ქართული ოცნების კანონი რუსული — მოკლედ და მარტივად