ახალი ამბები On.ge

კახა კალაძე

5 აპრ, 2024

კანონი, რომელიც უკავშირდება გამჭვირვალობას, პირდაპირ ექვემდებარება იმ მნიშვნელოვან პრინციპებს, რომელიც ღირებულია თითოეული ქართველისთვის.

ის, რომ ჩვენ გავიძახით — გვინდა ევროპული მომავალი, ქვეყნის ევროკავშირში გაერთიანება, ზუსტად ამ პრინციპებს ეფუძნება ის ევროპულობა და ევროპული მომავალი, რაც პირდაპირ კავშირშია სამართლიანობასთან, გამჭვირვალობასთან, ადამიანის უფლებებთან, სიტყვისა და გამოხატვის თავისუფლებასთან, საკუთრების უფლების დაცვასთან.

ამ ღირებულებების ერთ-ერთი კომპონენტი, როგორც ვთქვი, არის გამჭვირვალობა. თუ ხელისუფლების, თანამდებობის პირების მხრიდან ვითხოვთ გამჭვირვალობას, ასევე მნიშვნელოვანია, საზოგადოებისთვის იყოს ნათელი, ცნობილი და ცხადი, თუ რომელი ორგანიზაცია რომელი ქვეყნიდან იქნა დაფინანსებული. ამის გასაჯაროებაზეა საუბარი, მეტი
არაფერი.

რაც შეეხება შარშან გაწვეულ კანონს, ეს იყო, შეიძლება ითქვას, ჩვენი შეცდომაც, იმ თვალსაზრისით, რომ ჩვენ საზოგადოებას ვერ ავუხსენით სწორად და ვერ მივაწოდეთ ინფორმაცია აღნიშნულ გადაწყვეტილებასთან დაკავშირებით და რადიკალურმა ჯგუფებმა მოახერხეს, რომ ეს კანონი, რომელსაც საერთო არაფერი აქვს რუსეთთან, შეენიღბათ, როგორც რუსული.

აქ საუბარია გამჭვირვალობაზე. ეს დონორ ორგანიზაციებსაც დაეხმარება და გეტყვით რატომ — ერთ-ერთი არასამთავრობო ორგანიზაცია დაფინანსდა USAID-ის მიერ. საუბარი იყო მძიმე დაავადებების მქონე ბავშვების მშობლების დატრენინგებაზე, რეალურად კი რისი ტრენინგი მიმდინარეობდა, ხომ გვახსოვს ყველას?

ეს გაურკვევლობები რომ იყოს აცილებული თავიდან, დარწმუნებული ვარ, ჩვენი დონორი ორგანიზაციებისთვის მნიშვნელოვანი და დამზღვევი იქნება აღნიშნული კანონი.

განაცხადა თბილისის მერმა კახა კალაძემ. ის ასე ეხმიანება ხელისუფლების სურვილს, ისევ დააინიციიროს პარლამენტში რუსული კანონი, რომლითაც სურთ, დამოუკიდებელი მედია და არასამთავრობო სექტორი "აგენტებად" გამოაცხადონ. ანალოგიური კანონის მიღება "ოცნებას" უნდოდა გასული წლის მარტში, რასაც მძლავრი საზოგადოებრივი პროტესტი, 7-8 მარტის ცნობილი აქციები და საბოლოოდ, კანონპროექტის უკან გაწვევა მოჰყვა.

0 0

კომენტარები

კვირის ტოპ-5

  1. ქართველი მკლავჭიდელები მსოფლიო ჩემპიონატში მონაწილეობას ვერ მიიღებენ — მკლავჭიდის ფედერაციის განცხადება991 ნახვა
  2. აშშ-ის საელჩო ვიზის მშობიარობისთვის გამოყენების შემთხვევებს ეხმაურება629 ნახვა
  3. გიგა დათიაშვილი: ანდრო გამოირჩეოდა იმით, რომ ადიოდა ხოლმე ზემოთ, სპეცრაზმთან და გვეუბნებოდა, რომ ვიღაცები უნდა გამოვიყვანოო. ვეუბნებოდით, რომ არ გინდა...325 ნახვა
  4. ტატო ბაციკაძე: ახლაა საინტერესო, იმ პოლიციელებს რა მოუვათ აბა, ვინც უდანაშაულო ადამიანს ასე წირავდა278 ნახვა
  5. ოკუპირებულ ცხინვალში მოსწავლეების მიერ დაზიანებული სტალინის ძეგლი აღადგინეს — ხარჯები მოსწავლეების მშობლებმა დაფარეს272 ნახვა

გირჩევთ

ახლა კითხულობენ

გადახედვა

ჩინეთში ჩიკუნგუნიას ცხელების 7 000-ზე მეტი შემთხვევა დაფიქსირდა

ჩინეთის სამხრეთით მდებარე გუანდუნის პროვინციაში გასული კვირების განმავლობაში ჩიკუნგუნიას ცხელებით 7 700-ზე მეტი…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~