მოკლედ: პროკურატურის ინფორმაციით, ბათუმის საქალაქო სასამართლომ, დამამძიმებელ გარემოებაში არასრულწლოვანების მკვლელობის მცდელობის ფაქტზე, ერთი პირი დამნაშავედ ცნო და 16-წლიანი პატიმრობა მიუსაჯა.

დეტალები: მტკიცებულებებით დადასტურდა, რომ 2023 წლის 4 ივლისს, ბათუმის სანაპიროზე, სამმა პირმა, სწრაფმავალ კატარღაზე მიბმულ საბუქსირე-წყლის ატრაქციონზე ე.წ."ბანანზე", 4 მოზარდი სამაშველო ჟილეტის გარეშე აიყვანა.

  • კაცმა, რომელიც კატარღის საჭესთან იჯდა, "ბანანი" ნაპირიდან მოშორებით, მკვეთრი მოძრაობით ამოატრიალა, შედეგად, ბავშვები ზღვაში ჩაცვივდნენ.
  • ამავე კაცმა, ასევე, სამაშველო ჟილეტი წაართვა ერთ მოზარდს — ბიჭმა ჟილეტი ზღვაში ჩავარდნის შემდეგ ჩაიცვა.
  • ასევე, ბრალდებულმა, მასთან ერთად მყოფ ორ პირს არ მისცა საშუალება ბავშვებს დახმარებოდნენ. შემთხვევის ადგილი მათ ერთად დატოვეს.
  • სამი არასრულწლოვანი სანაპიროზე უსაფრთხოდ გავიდა, ერთი მოზარდი კი ზღვაში დაიხრჩო.
  • მისი ცხედარი 2023 წლის 7 ივლისს იპოვეს.

ბოლო ხაზი: კატარღაზე მყოფ ორ პირს ბრალდება წარედგინა მუხლით, რომელიც გულისხმობს განსაკუთრებით მძიმე კატეგორიის დანაშაულის შეუტყობინებლობას.

მუხლი 3-დან 7-წლამდე პატიმრობას ითვალისწინებს.