როგორც აღმოჩნდა, ჰოლივუდი არ არის მზად საკუთარი დრო რუსეთის პრეზიდენტს, ვლადიმერ პუტინს, დაუთმოს. ამას ადასტურებს ისიც, რომ მისი პერსონაჟი ჰოლივუდის ორი ფილმიდან ამოაგდეს.

FOX-ის Red Sparrow, რომლის რეჟისორიც ფრენსის ოლივერია, ხოლო მთავარ როლს ჯენიფერ ლოურენსი ასრულებს, მოგვითხრობს რუსი ჯაშუშის ისტორიას, რომელიც CIA-სთან იწყებს თანამშრომლობას. ფილმი ემა უოტსის 2013 წელს გამოქვეყნებულ წიგნს ეფუძნება, სადაც პუტინის პერსონაჟი ერთ-ერთი საკვანძო პერსონაჟია, თუმცა რეჟისორმა და სცენარისტმა გადაწყვიტეს, რომ არ არის საჭირო რუსეთის პრეზიდენტს ადგილი დაუთმონ ფილმში.

ამავდროულად, პუტინი კიდევ ერთი ფილმიდან, Kursk, ამოჭრეს.

ფილმის რეჟისორი ტომას ვიტენბერგია, მთავარ როლებს ლეა სეიდუ და კოლინ ფერტი ასრულებენ.

ფილმი 2000 წელს, ბარენცის ზღვაში რუსული ბირთვული სამხედრო წყალქვეშა ნავის ჩაძირვას ეხება, რომლის დროსაც ეკიპაჟის ყველა წევრი დაიღუპა. ბევრი თვლიდა, რომ გემის ჩაძირვაში რუსეთის მაღალჩინოსნების ხელი ერია, თუმცა ამ ტრაგედიის მიზეზებსა თუ დეტალებზე ბევრი დღესაც არაფერია ცნობილი.

ფილმის თანადამფინანსებელი EuropaCorp-ია, რომლის ხელმძღვანელიც რეჟისორი ლუკ ბესონია. სწორედ მისი მოთხოვნით ამოიღეს ფილმიდან რუსეთის ამჟამინდელი პრეზიდენტის, ვლადიმერ პუტინის პერსონაჟი, რადგან მისი აზრით ფილმში მთავარი აქცენტი პერსონაჟებზე და მათ გადასარჩენად გატარებულ ღონისძიებებზე უნდა გაკეთებულიყო და არა პოლიტიკოსებზე.