ყოფილმა პრემიერმინისტრმა, ბიძინა ივანიშვილმა განმარტა, რომ სავარაუდოდ საქართველოს ვიზალიბერალიზაციის პროცესი სექტემბრისთვის დასრულდება, რადგან საქართველომ ნაკისრი ვალდებულებების ყველა პუნქტი შეასრულა:

"დაახლოებით ერთი თვის წინ მე ევროკავშირის ძალიან სიმპატიურ ელჩს შევხვდი, რომელიც ძალიან ძლიერი დიპლომატია, ძალიან უყვარს საქართველო. თუ გნებავთ გეტყვით იანოშ ჰერმანის სიტყვებს: 70 პროცენტის ალბათობით შეგვიძლია ახლა მივიღოთ ვიზალიბერალიზაცია, მაგრამ 100 პროცენტიანი ალბათობით მივიღებთ წლის ბოლოს".

ივანიშვილის აზრით, საქართველო "არადამსახურებულად" მოექცა იმ პრობლემების ცენტრში, რაც ევროპას ბოლო დროს აქვს, თუმცა მთავარია მოთმენა იმისთვის, რომ საქართველოს ვიზალიბერალიზაცია მიანიჭონ.

ბიძინა ივანიშვილმა აღნიშნული განცხადება გამოცდების ეროვნულ ცენტრში სტუმრობისას გააკეთა.