ყოფილმა პრემიერმინისტრმა, ბიძინა ივანიშვილმა 2016 წლის საპარლამენტო არჩევნებთან დაკავშირებით განაცხადა, რომ ვინაიდან ქართული ელექტორატი დაბნეულია და ვინაიდან წინასაარჩევნო პერიოდში სხვადასხვა პარტიებს "ყველაფრის, გამოთქმის, ქმედების, ქუჩაში გამოსვლის უფლება აქვთ", შესაძლოა ამომრჩეველმა ოქტომბრის საპარლამენტო არჩევნებზე არასწორი არჩევანი გააკეთოს:

"არსებობს ხიფათი იმისა, რომ მოსახლეობა დაიბნეს, სწორად ვერ შეაფასოს და არ შეაფასოს ის ფასეულობები, რაც ქართულმა ოცნებამ დანერგა. შემთხვევით არ მომხდარა ის, რაც არის დღეს. [ამომრჩევეს]არ გაუჩნდეს ილუზია, რომ ახალი ერთკაციანი პარტიები და მათ რიცხვში ნაციონალური მოძრაობა, რაღაც ფოკუსებს ჩაატარებენ და საოცრებებს გააკეთებენ და არ მოტყუვდნენ დ არ გადააფასონ".

ბიძინა ივანიშვილა აღნიშნული განცხადება გამოცდების ეროვნულ ცენტრში სტუმრობისას გააკეთა.