სახელმწიფოს ფინანსური მონაწილეობით შექმნილი კომპანია ატლასგლობალისთვის გამორჩეული სტარტაპია, რადგან ინოვაციური პროექტი ტურიზმის სფეროში მომსახურების სექტორის განვითარებაზეა ორიენტირებული.

მემორანდუმი ითვალისწინებს პირადი ადვოკატის მომსახურების ხელმისაწვდომობის გაზრდას საქართველოში ჩამოსული უცხოელი ტურისტებისთვის.

კომპანია, რომელიც პირადი ადვოკატის მომსახურებას საქართველოში ჩამოსულ ტურისტებს სთავაზობს, ავიაკომპანიასთან ერთად აპირებს ერთობლივი პროექტების განხორციელებას. პროექტის მიზანია სერვისის პოპულარიზება ტურისტებში, დაცული და უსაფრთხო გარემოს შექმნა და ტურისტული პოტენციალის გაზრდა საქართველოში.

ავიაკომპანია ატლასგლობალ ჯორჯია 2013 წლიდან ახორციელებს რეგულარულ ფრენებს თბილისის საერთაშორისო აეროპორტიდან ევროპისა და აზიის მიმართულებით. ის აქტიურადაა ჩართული საქართველოში ტურიზმის პოპულარიზაციასა და განვითარებაში.

„ვფიქრობთ, რომ ისეთი ინოვაციური სერვისების მქონე კომპანიასთან თანამშრომლობა, რომელიც ტურიზმის სფეროში მომსახურების განვითარებაზეა ორიენტირებული, ორმხრივად საინტერესო იქნება როგორც ჩვენთვის, ასევე სააგენტოსთვის. რაც მთავარია, ეს მემორანდუმი კიდევ უფრო კომფორტულს გახდის მოგზაურობას საქართველოში. ჩვენი კარი ღიაა ისეთი საინტერესო სტარტაპებისთვის, რომლის მიზანია საქართველოში ტურიზმის ინდუსტრიის ხელშეწყობა” - აღნიშნა ატლასგლობალ ჯორჯიას კომერციულმა დირექტორმა თამუნა თანდაშვილმა.