მოკლედ: დღეს, 8 მარტს, საქართველოს პრეზიდენტმა სალომე ზურაბიშვილმა ღირსების მედლით 5 უფლებადამცველი ქალი დააჯილდოვა

დეტალები: პრეზიდენტის ადმინისტრაციის განცხადების მიხედვით, ღირსების მედლით დაჯილდოვდნენ

  • ბაია პატარაია — ორგანიზაცია საფარის დამფუძნებელი და ქალთა უფლებადამცველი. ის დაჯილდოვდა "ქალთა უფლებების დაცვისა ქალთა გაძლიერების, გენდერის ნიშნი ძალადობის წინააღმდეგ ბრძოლის საქმეში შეტანილი განსაკუთრებული პირადი წვლილისთვის, არაძალადობრივი გარემოს ჩამოყალიბების ხელშეწყობისათვის".
  • ანა არგანაშვილი — უფლებადამცველი, რომელიც დაჯილდოვდა ბავშვთა და შეზღუდული შესაძლებლობების მქონე ქალთა უფლებების დაცვის, ძალადობისა და დისკრიმინაციის წინააღმდეგ ბრძოლის საქმეში შეტანილი განსაკუთრებული პირადი წვლილისათვის.
  • თამარ მუსერიძე — ორგანიზაცია ვეძებ დამფუძნებელი დაჯილდოვდა "განსაკუთრებული სამოქალაქო ინიციატივისა და პასუხისმგებლობისათვის, პირადული გამბედაობისა და გამორჩეული საზოგადოებრივი საქმიანობისათვის."
  • ელისო ამირეჯიბი და ნატო შავლაყაძე — ძალადობისაგან დაცვის ეროვნული ქსელის დამფუძნებლები დაჯილდოვდნენ "გენდერის ნიშნით ძალადობის მსხვერპლ ქალთა დაცვის, მათ სოციალურ ინტეგრაციასა და ეკონომიკურ გაძლიერებაში შეტანილი განსაკუთრებული პირადი წვლილისათვის, ძალადობის წინააღმდეგ ბრძოლაში სისტემური ცვლილებების ადვოკატირებისა და ადამიანური რესურსის განვითარებისათვის გაწეული განსაკუთრებული ძალისხმევისათვის."