მოკლედ: საქართველოს ფინანსთა სამინისტროს საგამოძიებო სამსახურის განცხადებით, აჭარაში, შესაბამისი ნებართვის გარეშე სამეწარმეო საქმიანობის ფაქტი გამოავლინა, რაზეც პასუხისგებაში ორი პირი მიეცა.

დეტალები: გამოძიებით დადგინდა, რომ ბრალდებულებს, საცხოვრებელ სახლში მოწყობილი ჰქონდათ სათამაშო ბიზნესის ობიექტი, საიდანაც, შესაბამისი სავალდებულო ნებართვის გარეშე, ინტერნეტის მეშვეობით, სხვადასხვა სახის აზარტული გათამაშების პროცესი საქართველოს ფარგლებს გარეთ მოქმედ ინტერნეტ კაზინოების ვებგვერდებზე გადაიცემოდა.

  • საგამოძიებო სამსახურის მიხედვით, ობიექტის ლეგალურად ფუნქციონირების შემთხვევაში, სახელმწიფო ბიუჯეტში, სანებართვო მოსაკრებლის სახით უნდა შესულიყო 100 000 ლარი.
  • გამოძიების პროცესში ბიუჯეტზე მიყენებული ზიანი სრულად იქნა დაფარული.

ბოლო ხაზი: დანაშაული ითვალისწინებს თავისუფლების აღკვეთას 3-დან 5 წლამდე ვადით.