რა ხდება: მოსკოვში დღეს დილით, 29 თებერვალს, ნოვაია გაზეტას მთავარი რედაქტორი, სერგეი სოკოლოვი დააკავეს.

დეტალები: გამოცემის ინფორმაციით, რომელ განყოფილებაშია გადაყვანილი სოკოლოვი, ჯერ უცნობია. მის წინააღმდეგ შედგა ადმინისტრაციული ოქმი რუსული არმიის "დისკრედიტაციის“ შესახებ. შესაძლოა, მას დაეკისროს ჯარიმა, 50 ათას რუბლამდე.

  • საქმე პეროვსკის სასამართლოში განიხილება, სხდომის თარიღი, ჯერჯერობით, უცნობია.
  • სერგეი სოკოლოვი ნოვაია გაზეტას მთავარი რედაქტორი 2023 წლის ნოემბერში გახდა.

როგორც თავად გამოცემა წერს, სოკოლოვი ნოვაია გაზეტას ერთ-ერთი ყველაზე გამოცდილი რედაქტორია.

  • ის არის თანაავტორი ანა პოლიტკოვსკაიას შესახებ დოკუმენტური ფილმისა, რომელიც 2021 წელს მოამზადეს.