რა ხდება: თითქმის ერთკვირიანი ძებნის შემდეგ, ამერიკის შეერთებულ შტატებში საქართველოს მოქალაქე, 36 წლის კობა ძიგრაშვილი იპოვეს.

  • მას ახლობლები დაკარგულად მიიჩნევდნენ, რადგან 19 თებერვლის შემდეგ, მასთან დაკავშირებას ვეღარ ახერხებდნენ.
  • კობა ძიგრაშვილი აშშ-ში მყოფმა ქართველმა ემიგრანტებმა, ერთ-ერთ საავადმყოფოში იპოვეს.

დეტალები: On.ge-ს კობა ძიგრაშვილის საქართველოში მყოფმა ახლობელმა დაუდასტურა, რომ ძიგრაშვილი ამ მომენტში ჰოსპიტალიზებულია.

  • მისი თქმით, კობა ძიგრაშვილს ავარია შეემთხვევა, რის შემდეგაც, ის საავადმყოფოში გადაიყვანეს.
  • ამის შემდეგ, ძიგრაშვილმა ვეღარ მოახერხა ოჯახთან დაკავშირება.
  • ის, თითქმის ერთკვირიანი ძებნის შემდეგ, ემიგრანტმა ერთ-ერთ საავადმყოფოში იპოვა.

ფეისბუქზე, ნათია ნუცუბიძემ გაავრცელა ვიდეო, რომელიც კობა ძიგრაშვილთან ერთად არის ჩაწერილი:

  • "კობა ვიპოვეთ, ცოცხალია, ჯანმრთელია. ძალიან სერიოზული ავარია შეემთხვევა, ფეხზე გაუკეთეს ოპერაცია. ბევრი დაბეჟილობა აქვს. ესაჭიროება დახმარება", — ამბობს ნათია ნუცუბიძე ფეისბუქზე გამოქვეყნებულ ვიდეოში.

წინაისტორია: გასულ ორშაბათს, 19 თებერვლას, აშშ-ის დროით, 03:20 წუთზე კობა ძიგრაშვილთან კავშირი შეწყდა.

ახლობლებმა On.ge-ს უთხრეს, რომ ის ბოლოს ლონგ აილენდზე (ნიუ-იორკი, ბრუკლინის რაიონი) შენიშნეს, სადაც ავტომობილით გადაადგილდებოდა.

  • ახლობლებმა მისი გაუჩინარების შესახებ, აცნობეს საქართველოს საკონსულოს აშშ-ში;
  • ძიგრაშვილის დაკარგვასთან დაკავშირებით, აცნობეს ადგილობრივ სამართალდამცავებსაც.