მოკლედ: მთავრობის პრესსამსახურის ინფორმაციით, საქართველოს პრემიერ-მინისტრი ირაკლი კობახიძე ევროპარლამენტის პრეზიდენტს რობერტა მეცოლას შეხვდა.

ფოტო: საქართველოს მთავრობა

დეტალები: პრესსამსახურის მიხედვით, მხარეებმა ევროკავშირში გაწევრიანების გზაზე საქართველოს პროგრესი შეაჯამეს და საქართველოს ევროკავშირში ინტეგრაციის მიმდინარე ღონისძიებები მიმოიხილეს.

  • ასევე, პრემიერ-მინისტრმა საქართველოსთვის კანდიდატის სტატუსის მინიჭების მნიშვნელობაზე ისაუბრა და აღნიშნა, რომ მისი ხელმძღვანელობით საქართველოს მთავრობა ქვეყნის ევროკავშირში გაწევრიანების პროცესში შემდგომი პროგრესის მისაღწევად მუშაობას აგრძელებს.
  • ირაკლი კობახიძემ აღნიშნა ევროკავშირში საქართველოს გაწევრიანების პროცესში ევროპარლამენტის როლი და მისი მხარდაჭერის მნიშვნელობა.
  • შეხვედრაზე ირაკლი კობახიძემ და რობერტა მეცოლამ განიხილეს რეგიონსა და მსოფლიოში არსებული უსაფრთხოების გამოწვევები და მათი გადაჭრის გზებზე იმსჯელეს.
  • აქცენტი გაკეთდა საქართველოს ოკუპირებულ რეგიონებში არსებულ ვითარებაზე.

ბოლო ხაზი: პრემიერ-მინისტრი ირაკლი კობახიძე, პირველი ვიზიტით, ბრიუსელში 19 თებერვალს გაემგზავრა.

  • ბრიუსელში მასთან ერთად იმყოფებიან ეკონომიკის მინისტრი ლევან დავითაშვილი, თავდაცვის მინისტრი ირაკლი ჩიქოვანი, საგარეო საქმეთა მინისტრი ილია დარჩიაშვილი და შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი.