მოკლედ: პრემიერ-მინისტრი ირაკლი კობახიძე, პირველი ვიზიტით, ბრიუსელში გაემგზავრა.

  • ინფორმაციას მთავრობის ადმინისტრაცია ავრცელებს.

დეტალები: ვიზიტის ფარგლებში მას დაგეგმილი აქვს ორმხრივი შეხვედრები ევროკავშირსა და ნატოში.

  • ასევე, პრემიერ-მინისტრი მონაწილეობას მიიღებს საქართველო-ევროკავშირის ასოცირების საბჭოს მე-8 სხდომაში, რის შემდეგაც გაიმართება ირაკლი კობახიძის, საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ევროკომისიის ვიცე-პრეზიდენტის — ჯოზეფ ბორელისა და ევროპული სამეზობლო პოლიტიკისა და გაფართოების საკითხებში ევროკომისრის, ოლივერ ვარჰეის ერთობლივი პრესკონფერენცია.
  • ვიზიტის ფარგლებში, კობახიძე შეხვედრას გამართავს ნატოს გენერალურ მდივანთან, ასევე, მონაწილეობას მიიღებს ნატო-საქართველოს კომისიის სხდომაში.

ბოლო ხაზი: ბრიუსელში მასთან ერთად იმყოფებიან ეკონომიკის მინისტრი ლევან დავითაშვილი, თავდაცვის მინისტრი ირაკლი ჩიქოვანი, საგარეო საქმეთა მინისტრი ილია დარჩიაშვილი და შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი.

ასევე, ნახეთ: ევროპისკენ სვლა ირაკლი კობახიძის პირობებში? — რას ველოდოთ