შავი ზღვის სანაპირო ზოლში, წყალმა რამდენიმე დელფინი გამორიყა. გარემოს ეროვნული სააგენტო შესაძლო მიზეზად დელფინთა მორბილვირუსულ ინფექციას განიხილავს.

სააგენტოს ცნობით, 2017 წელს განმუხური-სარფის მონაკვეთზე ზღვის ძუძუმწოვრების ნაპირზე გამორიყვის უკვე 70-მდე ფაქტი დაფიქსირდა; 2016 წელს - 77. ასევე, წელს, უკრაინის სანაპირო ზოლში, წყალმა 190 დელფინი გამორიყა.

გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი, მოსახლეობას მოუწოდებს, გამოიჩინონ სიფრთხილე და არ შეეხონ ნაპირზე გამორიყულ ზღვის ძუძუმწოვრებს.

გარემოს ეროვნული სააგენტო, საერთაშორისო ლაბორატორიებთან ერთად მუშაობს, რათა დაზუსტებით გამოიკვლიონ დელფინთა სიკვდილიაობის მიზეზი.