BTS-ის წევრმა, J-Hope-მა, ახალი ალბომის, სახელად Hope on the Street-ის, გამოსვლა დააანონსა. მომღერალმა ფანებს ასევე ახალი დოკუმენტური სერიალის გამოსვლის შესახებაც აცნობა, რომელსაც ალბომის მსგავსად Hope on the Street ჰქვია. დოკუმენტურ სერიალში 6 ეპიზოდი იქნება, პირველი სერიას კი მაყურებელი 27 მარტს იხილავს.

ასევე ცნობილი გახდა, რომ J-Hope-ს ახალ ალბომში 6 სიმღერა იქნება, რომელთა ძირითადი თემაც ცეკვა და ქუჩის მოცეკვავეებია. სერიალში კი მაყურებელი იხილავს, თუ როგორ მოგზაურობს J-Hope ოსაკაში, ნიუ-იორკში, პარიზსა და სხვა დიდ დაქალებში, სადაც მომღერალი ქუჩის მოცეკვავეებს ეცნობა და მათგან შთაგონებას იღებს.

შეგახსენებთ, რომ J-Hope სავალდებულო სამხედრო სამსახურში შარშან გაიწვიეს. მართალია, J-Hope სავალდებულო სამხედრო სამსახურიდან 2024 წლის ოქტომბრამდე ვერ გათავისუფლდება, თუმცა ინდივიდუალურ კარიერას აგრძელებს. რაც შეეხება BTS-ის სხვა წევრებს, სავალდებულო სამხედრო სამსახურში უკვე ბენდის ყველა მომღერალი გაიწვიეს და სავარაუდოდ, 2025 წლამდე ჯგუფის გაერთიანება ვერ მოხერხდება.

J-Hope-ის ალბომი Hope on the Street 29 მარტს გამოვა.