ახლახან მიცემულ ინტერვიუში დაკოტა ჯონსონმა Madame Web-ის შესახებ ისაუბრა, რომელშიც მსახიობი სუპერგმირის როლს ასრულებს. მსახიობს ჰკითხეს, უკვე ნახა თუ არა ფილმი, რაზეც დაკოტამ უპასუხა, რომ ჯერ არ იცის, როდის ნახავს ან შეიძლება საერთოდაც არ ნახოს. როგორც მსახიობმა განმარტა, ეს მხოლოდ Madame Web-ს არ ეხება და ზოგადად, იმ ფილმების ნახვა არ უყვარს, რომლებშიც მონაწილეობს.

"ეგზისტენციალური კრიზისი რომ არ დამეწყოს, ჩემს ფილმებს არ ვუყურებ. ასე რომ, ჩემს ფილმებს რომ არ ვუყურებ, ამით საკუთარ თავზე ვზრუნავ", — განაცხადა დაკოტა ჯონსონმა და ისიც დასძინა, რომ საკუთარი თავი აქამდე არასდროს დაუგულავს.

აღსანიშნავია, რომ დაკოტა ჯონსონი ერთადერთი მსახიობი არ არის, რომელიც თავისი ფილმების ნახვას თავს არიდებს. მერილ სტრიპმა, ემა სტოუნმა და ნიკოლ კიდმანმაც სხვადასხვა ინტერვიუში აღნიშნეს, რომ თავიანთ ფილმებს პრემიერის შემდეგაც არ უყურებენ.

რაც შეეხება Madame Web-ს, ფილმის მსოფლიო პრემიერა ცოტა ხნის წინ შედგა. დაკოტა ჯონსონი ფილმში კასანდრა ვებს განასახიერებს, რომელიც პარამედიკოსია და მომავლის წინასწარმეტყველების უნარს შეიძენს. Madame Web-ში დაკოტასთან ერთად სიდნი სვინი, სელესტ ო'კონორი და იზაბელა მერსედი თამაშობენ.